Գերմանիան կոչ է արել Իրանին «հնարավորինս շուտ» վերսկսել միջուկային բանակցությունները վեց համաշխարհային տերությունների հետ՝ 2015 թվականի գործարքը վերականգնելու համար:
«Մենք վճռականորեն կոչ ենք անում Իրանին կառուցողական վերադառնալ բանակցությունների սեղանի շուրջ եւ հնարավորինս շուտ»,- ճեպազրույցի ժամանակ հայտարարել է Գերմանիայի ԱԳՆ ներկայացուցիչը: «Մենք պատրաստ ենք դրան, բայց ժամանակի պատուհանն անվերջ չի բացվի»:
Թեհրանի եւ Վաշինգտոնի միջեւ անուղղակի բանակցությունների վեցերորդ փուլն ընդհատվել է Իրանի նախագահ Էբրահիմ Ռաիսիի ընտրվելուց երկու օր անց: Ռաիսին պաշտոնը ստանձնել է օգոստոսի 5-ին:
Հուլիսին իրանցի երկու բարձրաստիճան պաշտոնյաներ Reuters-ին հայտնել էին, որ Ռաիսին պլանավորում է բանակցություններում «ավելի կոշտ դիրքորոշում» որդեգրել:
