ԱՄՆ քաղաքային համակարգչային ցանցերը 2016 թվականից ի վեր վնաս են կրել վիրուս-շորթողների օգտագործմամբ ավելի քան 400 կիբեռհարձակումներից,եւ դրանց թիվը միայն աճում է, գրում է The Washington Post-ը:
Նման կիբեռհարձակումները «աղետ են դարձել տեղական ինքնակառավարման մարմինների համար» ԱՄՆ-ում: Իշխանությունները միլիոնավոր դոլարների փրկագին են վճարում շորթողներին, ինչպես նաեւ վճարում են համակարգչային ցանցերի վերականգնման եւ արդիականացման համար: 2016 թվականից ի վեր պաշտոնապես գրանցվել է ավելի քան 400 նման հարձակում, դրանց իրական թիվը կարող է շատ ավելի մեծ լինել, նշում է թերթը:
Վիրուս-շորթողներն ամբողջությամբ արգելափակում են համակարգչային համակարգը՝ պահանջելով անհրաժեշտ գումարը տեղական իշխանություններից, սակայն շատերը չեն համաձայնում եւ փորձում են վերականգնել կորցրած տվյալները: Հաքերային հարձակումները խանգարում են իշխանություններին արագ արձագանքել արտակարգ իրավիճակներին՝ մի քանի շաբաթով եւ ամսով հետաձգում են նպաստների վճարումը, նույնիսկ փրկագինը վճարելուց հետո:
