News
Լրահոս
News
Շաբաթ
Մարտ 02
Տեսնել լրահոսը


Ե՛վ նախնտրական փուլում, ե՛ւ ընտրություններից հետո մենք խոսել ենք ամբողջ տարածաշրջանում խաղաղության հաստատման, խաղաղության եւ կայունություն ապահովելու դարաշրջան բացելու մասին եւ այդ տրամաբանության շրջանակներում մենք նաեւ պետք է Թուրքիայի հետ հարաբերությունները կարգավորենք, այդ կարգավորումը պետք է լինի աստիճանաբար։ Այս մասին այսօր՝ սեպտեմբերի 24–ին, Կառավարությունում լրագրողների հետ զրույցում  ասաց Անվտանգության խորհրդի քարտուղար Արմեն Գրիգորյանը՝ անդրադառնալով Թուրքիայի նախագահի հայտարարությանը,  թե Հայաստանի վարչապետ Նիկոլ Փաշինյանը Վրաստանի վարչապետի միջոցով իրեն հանդիպելու առաջարկ է փոխանցել։

«Մենք համոզված ենք, որ այդ հարաբերությունների կարգավորման հնարավորություններից մեկը բարձրագույն մակարդակում երկխոսություն ունենալն է։  Քաղաքական տարբեր մակարդակներով հայտարարել ենք, որ Հայաստանը պատրաստ է Թուրքիայի հետ հարաբերությունների կարգավորմանը, դրա տրամաբանության շրջանակներում էլ կատարվել են այդ հայտարարությունները եւ քաղաքական քայլերը»,– ասաց Հայաստանի Անվտանգության խորհրդի քարտուղարը։

Լրագրողի հարցին, թե ինչպես է պատկերացնում այդ համագործակցությունը, հաշվի առնելով Ադրբեջանի նախագահի հայտարարությունը, թե Հայաստանը պիտի ձեռնպահ մնա Լեռնային Ղարաբաղի կարգավիճակի հարցից, քանի որ այդ հարցի բարձրացումը վնասակար է լինելու Հայաստանի համար, Արմեն Գրիգորյանն ասաց.

«Շատ կարեւոր է հաշվի առնել, որ մենք հարաբերությունները  կարգավորում ենք Թուրքիայի հետ, եւ պետք է տարանջատում մտցնել Թուրքիայի հետ հարաբերությունների կարգավորումը՝ Ադրբեջանի հետ հարաբերություններից, եթե այդպիսիք կան։

Ինչ վերաբերում է կարգավիճակի հարցին. Լեռնային Ղարաբաղի խնդրի կարգավորման միակ եւ կարեւոր հարթակը ԵԱՀԿ Մինսկի խումբն է։ Բոլոր համանախագահների կողմից էլ հայտարարություն է եղել, որ պետք է  վերսկսել բանակցությունները ԵԱՀԿ ՄԽ–ի շրջանակներում։ Եվ ԵԱՀԿ ՄԽ–ի շրջանակներում պետք  է քննարկել մի կարեւոր հարց՝ կարգավիճակի հարցը։ Լեռնային Ղարաբաղի խնդիրը կարգավորված չէ, եւ այդ հարցը սպասում է իր լուծմանը, եւ այդ լուծումը մենք տեսնում ենք ԵԱՀԿ Մինսկի խմբի շրջանակներում եւ կարծում ենք, որ  ԵԱՀԿ Մինսկի խմբի շրջանակներում կարգավիճակ ենք քննարկելու եւ անհասկանալի է Ադրբեջանի նման հայտարարությունները»։ 

Լրագրողի դիտարկմանը, թե թուրքական կողմը խոսում է նախապայմանների մասին, օրինակ, նախիջեւանյան միջանցքի մասին եւ հարցին, թե հայկական կողմը ինչ նախապայմաններ է միտված բավարարել, որպեսզի Թուրքիայի հետ  երկխոսություն սկսի, Արմեն Գրիգորյանը նշեց.

«Հայկական կողմը բազմիցս հայտարարել է, նույնիսկ մեզնից առաջ, նախկին իշխանությունների օրոք, որ Թուրքիայի ետ հարաբերությունները պետք է կարգավորել առանց նախապայմանների, որովհետեւ երբ նախապայմաններ են լինում, դժվար է  լինում որեւէ  հարցում առաջ գնալ։ Եվ մենք հույս ունենք, որ հարաբերությունների կարգավորում կլինի առանց նախապայմանների։ Բոլոր գոյություն ունեցող հարցերը հետագայում քննարկելի են, բայց նախապայմաններով հարաբերություններ սկսելը շատ դժվար կլինի»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ալեն Սիմոնյանը չբացառեց, որ 2020-ի պատերազմն սկսվել է Ռուսաստանի ու Ադրբեջանի պայմանավորվածությամբ
Ժողովրդական լեզվով ասած՝ Հայաստանը Թուրքիայից ու Ադրբեջանից ավելի ուժեղ...
Անհայտ կորած 25 զինծառայողների հարազատները մարտ-ապրիլի համար ևս կստանան 300-հազարական  դրամ աջակցությունը
Որոշման նախագծի ընդունման դեպքում շահառու հանդիսացող թվով 25 անհայտ կորած…
44-օրյա պատերազմում 18 զինծառայողի մահվան մեջ մեղադրվող փոխգնդապետի գործով ավելի քան 2.5 տարի տևած քննությունը կվերսկսվի
Գործն արդեն քննության փուլում էր, մոտենում էր ավարտին, սակայն 2023թ․ հուլիսին դատավորի լիազորությունների դադարեցումից…
ԿԽՄԿ պատվիրակությունն Ադրբեջանում մեկ տարում փոխանցել է 1 600 տեղեկություն հայ գերիներից
ԿԽՄԿ-ն անցած տարի իրականացրել է 80 այցելություն գերիների պահման վայրեր...
Սեպտեմբերի 19-ի ռազմական գործողությունների հետևանքով գերության մեջ է հայտնվել 16 անձ
Ադրբեջանը շարունակում է պատանդառության մեջ պահել 23 անձի, որոնցից 16-ը գերության մեջ են հայտնվել սեպտեմբերի 19-ի ռազմական գործողությունների...
44-օրյա պատերազմում վիրավորված Աբիգ Մարգարյանը բուժում կստանա Մոսկվայում. կառավարությունը հատկացրեց 4,2 մլն դրամ
Կառավարությունն իր այսօրվա՝ փետրվարի 23-ի նիստում որոշեց պահուստային…
Ամենաշատ