Ընդդիմադիր «Հայաստան» դաշինքի կազմակերպած ջահերով երթի մասնակիցները պարզեցին Արցախի Հանրապետության դրոշը: Երթն ընթանում է լուռ, միայն բարձրախոսով հնչում են 44-օրյա պատերազմում զոհված զինծառայողների անունները:
Երթի առջեւից գնում են «Հայաստան» դաշինքի առաջնորդները՝ ՀՀ երկրորդ նախագահ Ռոբերտ Քոչարյանի գլխավորությամբ:
Ավելի վաղ NEWS.am-ը հայտնել էր, որ ընդդիմադիր «Հայաստան» դաշինքը Երեւանի Գարեգին Նժդեհի հրապարակից ջահերով երթ-մոմավառություն է նախաձեռնել դեպի Եռաբլուր` ի հիշատակ 44-օրյա պատերազմի նահատակների: Քաղաքական ելույթներ չեն լինելու: