Ռուսաստանը պատրաստ է հետագայում եւս մեծացնել այլ երկրներ գազի մատակարարումները։ Այս մասին հայտարարել է ՌԴ նախագահ Վլադիմիր Պուտինը Ռուսաստանի էներգետիկ շաբաթվա լիագումար նիստի ժամանակ, փոխանցում է ՏԱՍՍ-ը:
«Եթե մեզ խնդրեն ավելացնել գազի մատակարարումները, մենք պատրաստ ենք։ Մենք ավելացնում ենք այնքան, որքան մեր գործընկերներն են մեզ խնդրում: Չկա ոչ մի մերժում: Ոչ մի»,-նշել է նա։
««Գազպրոմ»-ը Եվրոպա գազի մատակարարումներն ավելացրել է 10%-ով, իսկ ընդհանուր առմամբ Ռուսաստանը՝ 15%-ով»,-ասել է նա։
«Բոլորը մեզ հուշում են. «ավելացրեք մատակարարումները Ուկրաինայի միջոցով»: Վտանգավոր է ավելացնելը։ Այնտեղ տասնամյակներ շարունակ գազատրանսպորտային համակարգը չի վերանորոգվել։ Այնտեղ, գուցե, ճնշումը մեծացնելու դեպքում այն ընդհանրապես կպայթի: Եվրոպան ընդհանրապես կկորցնի այս երթուղին»,-ասել է Պուտինը: «Ոչ ոք չի ցանկանում լսել, բոլորը միայն քննադատում են Ռուսաստանին»,-հավելել է նա։ «Գազպրոմ»-ը հետաքրքրված է ԵՄ-ի հետ երկարաժամկետ պայմանագրերով՝ չնայած այն կորցնում գնի մեջ սպոտային շուկայում, նշել է Պուտինը։ «Գերմանիան ստանում է ոչ թե 2000, ոչ 1500, այլ 250-230, առավելագույնը 300 դոլար հազար խմ դիմաց։
«Գազպրոմ»-ը նույնիսկ կորցնում է, եթե վաճառեր սպոտում, կստանար հազար խմ դիմաց 1200, սակայն ստանում է 250-300»,-ասել է Պուտինը։Նրա խոսքով՝ եվրոպական շուկայում գազի գնի աճը էլեկտրաէներգիայի դեֆիզիտի հետեւանք է, եւ ոչ՝ հակառակը։ «Եվ կարիք չկա, ինչպես ասում են, ցավոտ գլխից անցավ գլխի վրա դնել, ինչպես անում են մեր որոշ գործընկերներ»,-հավելել է նա։
Ռուսաստանի նախագահը նշել է, որ վերջին տասնամյակում համակարգային արատները քայլ առ քայլ ներդրվել են եվրոպական համակարգում:
Երկրի ղեկավարը նշել է, որ վառելիքաէներգետիկ համալիրի զարգացման երկարաժամկետ մոտեցումը հնարավորություն է տալիս ապահովել էլեկտրաէներգիայի գները Ռուսաստանի Դաշնության բնակչության եւ ձեռնարկությունների համար Եվրոպայում ամենացածր մակարդակով: «Համեմատության համար՝ Ռուսաստանում էլեկտրաէներգիայի միջին գինը եվրոյով կազմում է մոտ 20 եվրո մեկ ՄՎտ • ժամվա համար, Լիտվայում ՝ 256, Գերմանիայում եւ Ֆրանսիայում՝ 300, Մեծ Բրիտանիայում՝ 320: Սակագների աճը սահմանափակ է եւ հստակ կարգավորվում է մեր երկրում՝ ի տարբերություն եվրոպական երկրների, որտեղ էլեկտրաէներգիայի արտադրության արժեքի բարձրացման պատճառով բնակարանային եւ կոմունալ ծառայությունների սակագները, օրինակ, վերջերս գրեթե ամեն ամսի բարձրանում են»,-պարզաբանել է ՌԴ նախագահը:
