Maring (Kompasu) թայֆունի զոհերի թիվը, որը օրերս հարվածել էր Ֆիլիպինների Լուսոն կղզու հյուսիսային հատվածին, հասել է 30-ի, վնասվածքներ է ստացել եւս երեք մարդ, անհետ կորած է համարվում 14 հոգի, ասվում է հինգշաբթի Տարերային աղետների նվազեցման եւ ռիսկերի կառավարման պետական խորհրդի հրապարակած հաղորդագրությունում, տեղեկացնում է ՌԻԱ «Նովոստի»-ն։
Ավելի վաղ Բենգետ նահանգում տեղի էին ունեցել սողանքներ անձրեւների պատճառով, ընդարձակ տարածքներ տուժել էին հեղեղումներից։ Ներկայում թայֆունը հեռացել է Ֆիլիպինների տարածքից։ Տարհանվել է մոտ 15 հազար մարդ։
Վարչության տվյալներով՝ Ֆիլիպինների 110 քաղաքներում տեղի են ունեցել էլեկտրամատակարարման խափանումներ, վնասվել է 325 տուն, որոնց մեկ քառորդից ավելին լիովին ավերվել է։ Գյուղատնտեսությանը հասցված վնասը կազմել է ավելի քան 21,5 մլն դոլար։