News
Լրահոս
News
Ուրբաթ
Դեկտեմբեր 03
Տեսնել լրահոսը

Հայ առաքելական եկեղեցին նշում է Ուկրաինայում իր գործունեության վերսկսման 30-ամյակը։ Սա աշխարհի հնագույն քրիստոնեական եկեղեցիներից մեկն է, հայտնում է AnalitikaUA.net-ը։

Հիմնական միոցառումները տեղի են ունեցել հոկտեմբերի 28-ին՝ «Սոֆյա Կիեւսկայա» ազգային արգելոցում։

Ուկրաինայում այն գոյություն է ունեցել մինչեւ Երկրորդ համաշխարհային պատերազմի ավարտը, այնուհետեւ ոչնչացվել էր խորհրդային ռեժիմի կողմից։ Այն վերականգնվել է միայն 1991 թվականին։ Այսօր միջազգային համաժողովում քննարկվել է Հայ եկեղեցու դերը։ Այն կազմակերպել էին գիտնականներն ու եկեղեցիների ներկայացուցիչները՝ Ուկրաինայի հայերի միության հետ համատեղ։ Հանդիպումը տեղի է ունեցել «Սոֆյա Կիեւսկայա»-ում, որին մասնակցել են փորձագետներ, պատմաբաններ եւ կրոնական գործիչներ՝ ամբողջ աշխարհից:

Միջոցառումներին ներկա են եղել Ուկրաինայի հայերի միության փոխնախագահ Դավիթ Մկրտչյանը եւ Ուկրաինայում Հայաստանի արտակարգ եւ լիազոր դեսպան Վլադիմիր Կարապետյանը։

Ըստ հրապարակման՝ կազմակերպիչներն են Հայ առաքելական եկեղեցու (ՀԱԵ) Ուկրաինայի թեմը՝ Լվովի Արվեստի ազգային ակադեմիայի, «Սոֆյա Կիեւսկայա» ազգային արգելոցի, Ուկրաինայի կրոնագիտության ասոցիացիայի (ՈՒԿԱ), Ուկրաինայի հայերի միության հետ միասին։

«Գիտաժողովի նպատակը, առաջին հերթին, քանի որ այն գիտական համաժողով է, Ուկրաինայում հայերի եւ հայկական եկեղեցու ուսումնասիրության եւ հետազոտության որոշ նոր կողմերը բացահայտելն է։ Հարցերի շրջանակը, ընդհանուր առմամբ, այն ամենն է, ինչ վերաբերում է Ուկրաինայի հայկական սփյուռքին, մշակույթին, կրոնին, եկեղեցուն»,- ասել է Լվովի Արվեստի ազգային ակադեմիայի ամբիոնի դոցենտ Իրինա Գայուկը:

Համաժողովի շրջանակներում բացվել է «Հայկական եկեղեցին Ուկրաինայում. պատմություն եւ արդիականություն» ցուցահանդեսը, եւ տեղի է ունեցել Իրինա Գայուկի՝ «Ուկրաինական հողերում հայկական եկեղեցու կրոնական կենտրոնների պատմական համայնապատկեր» գրքի շնորհանդեսը։

Գիրքը ներկայացնում Ուկրաինայի տարածքում գտնվող հայկական բոլոր եկեղեցական կենտրոնների՝ ե՛ւ ուղղափառ, ե՛ւ քաղկեդոնական, ե՛ւ կաթոլիկ, պատմության եւ արդիության համայնապատկերը: Հրատարակությունն ունի տեղեկատվական-ուղեցուցային բնույթ եւ նախատեսված է կրոնագետների, պատմաբանների, ազգագրագետների եւ ընթերցողների լայն շրջանակի համար։

Ավելի վաղ հաղորդվել էր, որ եկեղեցիների կառուցումը, նույնականացումը, վերականգնումն ու պահպանումը Ուկրաինայի հայկական սփյուռքի գործունեության հիմնական ուղղություններից է։ Ուկրաինայի հայերի միության նախագահ Վիլեն Շատվորյանի խոսքով՝ հայկական ավանդույթների համաձայն, եկեղեցին ոչ միայն հոգեւոր կենտրոն է, այլեւ մշակութային կենտրոնի դեր է կատարում։

Հիշեցնենք, որ այս տարի երկրում նշվել է Կամենեց-Պոդոլսկի Հայ Աստվածածնի սրբապատկերի օր-տոնի հռչակման 230-ամյակը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դեկտեմբերի 4-ին դուրս կբերվի Աստվածամուխ Սուրբ Գեղարդը
Տոնի նախորդ օրը՝ դեկտեմբերի 3-ին, ժամը 17։30 երեկոյան ժամերոգության ընթացքում Մայր Աթոռի Սուրբ Հովհաննես...
«Անկլավականների» համար սա տուն չէ, այլ պարզապես արոտավայր կամ հողատարածք. Բագրատ Սրբազան
Սա մեր տունն է՝ այն տունը, որի մասին սեպտեմբերի 27-ից առաջ ոչ ոք չէր մտածում, որ «անկլավ» է...
Մենք ամեն ժամն ու վայրկյանը պատրաստ պետք է լինենք. Բագրատ Սրբազան
Այո, պատերազմն ինքնին սարսափելի երևույթ է, որևէ բանական մարդ պատերազմ, նույնիսկ թեթև կռիվ չի ցանկանա...
Արամ Ա կաթողիկոսն ընդունել է ՀՀ ԶՈՒ-երի խաղաղապահ բրիգադի հրամանատարի գլխավորած պատվիրակությանը
Ողջունելով հայ սպաները Անթիլիասի Մայրավանքէն ներս, Վեհափառ Հայրապետը իր Հայրապետական օրհնութիւնն ու զօրակցութիւնը յայտնեց հայոց քաջարի բանակին․․․
FBI-ը զբաղվում է Սան Ֆրանցիսկոյում ադրբեջանական վանդալիզմի ենթարկված հայկական եկեղեցու ու վարժարանի գործով
Այս արարքները հակադրվում են մարդու իրավունքներին ու ժողովրդավարությանը…
Գարեգին Բ-ն մեկնել է Մոսկվա
Այցի ընթացքում Նորին Սրբությունը հանդիպումներ կունենա Մայր Աթոռ Սուրբ...
Ամենաշատ