AdDuplex հարթակը շարունակում է հետեւել Windows օպերացիոն համակարգերի տարբեր տարբերակների տարածմանը: Ծառայության հաշվետվությունները հիմնված են SDK AdDuplex-ի օգտագործմամբ 5000 հավելվածներից հավաքագրված տվյալների վրա: Հոկտեմբերին հարթակի հաշվետվության մեջ ներառվել են Windows 11-ի՝ Microsoft-ի նոր ծրագրային հարթակի տվյալները, որոնց տարածումը սկսել է գործել այս ամսվա սկզբին, հաղորդում է 3dnews.ru-ն՝ հղում անելով AdDuplex-ին:

Հրապարակված տվյալների համաձայն՝ Windows 11-ի տարբերակներն արդեն օգտագործվում են համակարգիչների ավելի քան 5%-ում։ Windows 11-ի 22000 համարի կայուն տարբերակը տեղադրված է սարքերի 4,8%-ում, իսկ սարքերի եւս 0,3%-ն օգտագործում է ՕՀ-ի ինսայդերային տարբերակները: Այս շաբաթ Microsoft-ը նոր ՕՀ-ը սկսել է ակտիվորեն տարածել համատեղելի սարքերում: Կարելի է ենթադրել, որ հետագայում Windows 11-ի մասնաբաժինը կշարունակի վստահորեն աճել՝ ինչպես թարմացումների, այնպես էլ այս ՕՀ-ով աշխատող նոր սարքերի շնորհիվ:

Ամենահայտնի Windows-ը Windows 10-ն է: Նրա տարբեր տարբերակների շարքում Windows 10-ը (21H1) շարունակում է մնալ ամենատարածվածը, որը տեղադրված է սարքերի 37,6%-ում: Դրան հաջորդում է Windows 10-ը (20H2), որն օգտագործվում է համակարգիչների 34%-ում։ Առաջին եռյակը եզրափակում է Windows 10-ը (2004թ.)՝ 14,1% մասնաբաժնով։

Ամենայն հավանականությամբ, Windows 10-ի ամենաարդիական տարբերակների մասնաբաժինը դանդաղ կնվազի։ Դա պայմանավորված է նրանով, որ Microsoft-ը դեռ մի քանի տարի կաջակցի այս ՕՀ-ին, ինչպես նաեւ նրանով, որ ոչ բոլոր համակարգիչներն են բավարարում Windows 11-ի տեղադրման նվազագույն պահանջներին։