![](img/news/67/07/41/default.jpg)
Տարածաշրջանի ապաշրջափակման գործընթացը չի կարող տեղի ունենալ ՀՀ անվտանգության, ինքնիշխանության, կենսական շահերի հաշվին։ Այս մասին այսօր ԱԺ մշտական հանձնաժողովների համատեղ նիստում 2022թ․ պետբյուջեի նախագծի քննարկման ժամանակ ասաց ՀՀ ԱԳ փոխնախարար Վահե Գեւորգյանը։
Նրա խոսքով՝ Հայաստանի ներքին քաղաքականության առաջնահերթ ուղղություններից մեկը տարածաշրջանում խաղաղության եւ կայունության հաստատումն է։ «Տարածաշրջանի ապաշրջափակումը հիմք է խաղաղ եւ փոխշահավետ համագոյակցության մթնոլորտ ստեղծելու համար։ Այդ տեսանկյունից կարեւոր է 2021թ․ հունվարի 1-ի եռակողմ հայտարարության դրույթների իրականացումը։ Տարածաշրջանի ապաշրջափակման գործընթացի արդյունավետ իրականացումը հնարավոր է միայն այն դեպքում, երբ բոլոր մասնակիցները կառուցողական դիրքորոշում են ցուցաբերում եւ ձեռնարկում պրակտիկ քայլեր»,-նշեց նա։