Հայաստանում երեք ճանապարհների նորոգման համար հատկացվել է ավելի քան 482 մլն դրամ (ավելի քան 1 մլն դոլար – խմբ.)։ Համապատասխան որոշումը նոյեմբերի 11-ին ընդունվել է կառավարության նիստում։
Հայաստանի տարածքային կառավարման եւ ենթակառուցվածքների նախարար Գնել Սանոսյանը պարզաբանել է, որ խոսքը Երեւան-Երասխ-Գորիս-Մեղրի-Իրանի հետ սահման, Վանաձոր-Դիլիջան եւ Վահանավանքի ճանապարհների մասին է։
«Նորոգման աշխատանքները ընթացքի մեջ են»,- ավելացրել է նա։
Վարչապետ Նիկոլ Փաշինյանի հարցին, թե կկատարի արդյոք կառավարությունը մեկ տարում 500 կիլոմետր ճանապարհների շինարարության պլանը, նախարարը հաստատական պատասխան է տվել։
