News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Երեւան քաղաքի ընդհանուր իրավասության դատարանի՝ Աջափնյակի նստավայրում՝ նախագահությամբ դատավոր Արմեն Շիրոյանի այսօր՝ նոյեմբերի 30-ին, շարունակվում է քննվել ՀՀ նախկին ոստիկանապետ Վլադիմիր Գասպարյանի թիկնազորի նախկին պետ Արշակ Հակոբյանին՝«Վովայի Արշակին», կալանավորելու մասին միջնորդությունը։

Ավելի վաղ հակակոռուպցիոն կոմիտեն տեղեկացրել է, որ Արշակ Հակոբյանը, 2017 թվականի հուլիսի 1-ի դրությամբ զբաղեցնելով ոստիկանության համապատասխան ստորաբաժանման ղեկավարի պաշտոնը եւ հանդիսանալով հայտարարատու պաշտոնատար անձ, Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում դիտավորությամբ թաքցրել է հայտարարագրման ենթակա տվյալները, որը հանգեցրել է առանձնապես խոշոր չափերով գույքի չհայտարարագրմանը, ինչպես նաեւ օրինականացրել է հանցավոր ճանապարհով ստացված առանձնապես խոշոր չափերով գույքը` 22.007.259 ՀՀ դրամը:

NEWS.am-ի հետ զրույցում Հակոբյանի փաստաբան Տիգրան Աթանեսյանը մեղադրանքը որակեց ապօրինի ու խայտառակ հետապնդում։

«Ողբերգություն է, երբ մարդն անազատության մեջ է այս պահին։ Բայց դե այսօրվա Հայաստանի երեսն էլ սա է։ Նիկոլի հերթական էժանագին փիառ ակցիան է։ Երեւի ինչ-որ սրիկայություն է անում, հանրության ուշադրությունը պետք է շեղի չէ՞։ Նման մեղադրանքի որոշում ստորագրելու համար քննիչը պետք է դատվի։ Նիստը տեղի է ունենում Նիկոլի զորակոչի դատարանում՝ Աջափնյակի նստավայրում, բոլոր կալանավորողները նույն տեղում են հավաքվում»,- արձագանքեց Տիգրան Աթանեսյանը։

Հիշեցնենք, որ երեկ Արշակ Հակոբյանը ձերբակալվել է: Նույն օրը նրան մեղադրանք է առաջադրվել ՀՀ ՔՕ 314.3-րդ հոդվածի 2-րդ մասով նախատեսված /երկու դրվագ/` հայտարարագրման ենթակա առանձնապես խոշոր չափերով գույքը դիտավորությամբ թաքցնելու եւ ՀՀ ՔՕ 190-րդ հոդվածի 3-րդ մասի 1-ին եւ 3-րդ կետերով նախատեսված` հանցավոր ճանապարհով ստացված առանձնապես խոշոր չափերով գույքի օրինականացման համար:

Տպել
Կարդացեք նաև
Ամբողջը
Կանադացին վեցամսյա բանտարկության է ենթարկվել ինքնաթիռի ուղեկցորդուհու հետույքին կպչելու պատճառով
50-ամյա կանադացին իրեն մեղավոր է ճանաչել...
Մոսկվայում զենքի մաքսանենգության մեղադրանքով ձերբակալվել է հայ, ով ԱՄՆ քաղաքացի է
Խաչատուրյանի խոսքով՝ ինքն ԱՄՆ-ից Հայաստան էր մեկնում 2021 թվականի դեկտեմբերի 26-ին, երբ իրեն բերման են ենթարկել Շերեմետեւո ․․․
Արտաշիսյան փողոցում գազատարին բախված մեքենայի վարորդի առողջական վիճակում դրական տեղաշարժ կա
Նա վերակենդանացման բաժանմունքից տեղափոխվել է պալատ...
Կոտայքում Mercedes-ը մոտ 80 մետրից ընկել, բախվել է քարերին և հայտնվել անդունդում. Վարորդի վիճակը ծայրահեղ ծանր է
Կոտայքի մարզում, հունվարի 27-ին, խոշոր ավտովթար է տեղի ունեցել. Ժամը…
Մալայզիայում ջրհեղեղի վնասը 1.46 միլիարդ դոլար է գնահատվել
Դեկտեմբերի կեսերին եւ հունվարի սկզբին մի քանի նահանգներում անսովոր հորդառատ անձրեւների հետեւանքով տասնյակ մարդիկ մահացան, ավելի քան 120.000 մարդ տեղահանվեց...
Խոշոր հրդեհի հետեւանքով հիվանդանոց տեղափոխված 76–ամյա քաղաքացին օրեր անց մահացել է
Փրկարարները շենքից տարահանել էին 28 քաղաքացու, բնակիչներից Ռ. Ս.-ն (ծնված 1946 թ․) հոսպիտալացվել էր Այրվածքաբանության ազգային կենտրոնում, նրա վիճակը գնահատվել էր ծայրահեղ ծանր...
Ամենաշատ
Ֆոտոռեպորտաժներ