News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Դեռևս չի հաջողվում համընդհանուր համաձայնություններ ձևակերպել, բայց կարծում եմ, որ աշխատանքները շարունակվում են, պլանավորում են առաջիկայում ևս հանդիպումներ անցկացնել։ Այս մասին այսօր «Ազատություն» ռադիոկայանի հետ զրույցում ասաց Անվտանգության խորհրդի քարտուղար Արմեն Գրիգորյանը՝ անդրադառնալով Մոսկվայում փոխվարչապետերի եռակողմ հանձնաժողովի երեկվա նիստին և նիստի վերաբերյալ հաղորդագրություն չտարածելուն։

«Ընդհանուր առմամբ Հայաստանը որևէ միջանցքային տրամաբանության հարց չի քննարկել և չի քննարկելու»,-հայտարարեց նա։

Ինչ վերաբերում է մաքսակետերին, Արմեն Գրիգորյանն ասաց, որ եթե Ադրբեջանը ցանկանա անցում կատարել դեպի ՀՀ, ապա սահմանային անցակետի բոլոր օրենսդրական պահանջները կատարելու է, նույնն էլ մենք ենք կատարելու։

«Սա Հայաստանի մոտեցումն է ապաշրջափակմանը»,-ասաց նա։

Նա նշեց՝ երբ նշվում է հումանիտար հարց, բոլորը նկատի ունեն գերիների հարցը, որը մինչ այս պահը չի լուծվել: Ըստ նրա՝ պետք է սպասենք, տեսնենք, թե ինչպես է լինելու առաջընթացը այս հարցում։

Անդրադառնալով անկլավների հարցին՝ Գրիգորյանը ասաց, որ նախ պետք է պարզել՝ անկլավներ կան, թե՝ ոչ։

«Մեր բոլոր ուսումնասիրությունները ցույց են տալիս, որ իրավական հիմքով անկլավի հարց գոյություն չունի, մենք շարունակում ենք ուսումնասիրել այդ հարցը»,-ասաց նա։

Նա նշեց, որ հնարավոր է՝ համայնքի ղեկավարը ինչ-որ որոշում է կայացրել, սակայն դա իրավական հիմք չունի։

Իշխանասարի հատվածում ադրբեջանական զինուժի հետքաշման հետ կապված Արմեն Գրիգորյանը նշեց՝ պաշտպանության նախարարությունը այս հարցի վերաբերյալ պարզաբանումներ ներկայացրել է: Նա ՏԻՄ ներկայացուցիչներին կոչ արեց շատ մեծ պատասխանատվությամբ վերաբերվել անվտանգությանը վերաբերող որևէ հայտարարություն անելուն: «Սա ոչ միայն համայնքին է վերաբերում, բազմաթիվ պաշտոնյաներ կան, որոնց լիազորությունները որևէ ձևով չեն առնչվում այս հարցերին, բայց պարբերաբար հայտարարություններ են անում։ Ես կոչ կանեի վերջ տալ այս գործընթացներին»,-ասաց նա։

Հարցին՝ ի վերջո գրավոր դիմում ՀԱՊԿ-ին եղել է, Գրիգորյանն ասաց, որ դիմում եղել է մայիսին։

«Մայիսի դիմումը շարունակում է ուժի մեջ մնալ, քանի որ այդ ճգնաժամի շարունակությունն է, և հարցը չի լուծվել։ Մենք ՀԱՊԿ-ի հետ շարունակում ենք քննարկել, բայց կարծում եմ, որ ընդհանուր մոտեցում կա, որ դա սահմանային միջադեպ չէ, շարունակում ենք ակնկալել, որ աջակցություն կցուցաբերեն, որպեսզի կկարողանանք այս հարցը լուծել»,- ասաց Գրիգորյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Տավուշի հատվածում մի քանի անկանոն կրակահերթ է արձակվել Ադրբեջանի կողմից, որոնց հայկական կողմը չի պատասխանել. ՊՆ
Ադրբեջանի պաշտպանության նախարարության տարածած հաղորդագրությունը, թե հունվարի 27-ին ՀՀ ԶՈՒ ստորաբաժանումները կրակ են բացել հայ-ադրբեջանական...
Վարանդայից հայտնաբերվել է ևս մեկ հայ զինծառայողի աճյուն․ Արցախի ԱԻՊԾ
2020 թվականի ռազմական գործողությունների ընթացքում զոհված և անհետ կորած...
Մեր 30 տարվա պայքարից հետո այս իշխանությունը ոսոխի թեզերն է կրկնում. սա աներևակայելի է․ Րաֆֆի Հովհաննիսյան
Նախկինում երբեք չի եղել, որ պաշտոնյան փոխանակ շտկելու դիվանագիտական իրավիճակը, նախորդների իրական կամ թվացյալ սխալները, ուղղակի ընդունում է դե ֆակտո իրավիճակը...
Ալիեւը հայտարարել է համագործակցության նոր հնարավորությունների մասին «հայ-ադրբեջանական հակամարտության ավարտից հետո»
«Ադրբեջանը տարածաշրջանային զարգացման կենտրոն եւ տրանսպորտային հանգույց է դարձել...
Փորձում ենք պարզել, թե մեր ուղարկած փաթեթի որն մասն է Ադրբեջանի համար անընդունելի. Արարատ Միրզոյան
Հայկական կողմը Հայաստան-Ադրբեջան սահմանագոտում իրավիճակի դեէսկալացիային, լարվածության նվազմանը, անվտանգության և կայունության...
Վերջին պատերազմի հետևանքները չեն կարող մեզ շեղել պետականակերտման այն ճանապարհից. Արցախի նախագահ
Արցախի նախագահ Հարությունյանն ընդունել է Արցախի ազատամարտիկների միության մի խումբ անդամների…
Ամենաշատ
Ֆոտոռեպորտաժներ