News
Լրահոս
News
Երեքշաբթի
Հունվար 25
USD
481.63
EUR
545.49
RUB
6.17
Տեսնել լրահոսը


Ոստիկանության Մարտունու բաժնի հերթապահ մասի ծառայողների ստացած տվյալն իրացվեց նոյեմբերի 26-ին։ Ժամը 18.10-ին, գողություն կատարելու կասկածանքով, Ծովինար գյուղից բերման ենթարկվեց 40-ամյա մի տղամարդ։

Ոստիկանությունից NEWS.am-ին հայտնում են, որ նա խոստովանեց, որ ամիսներ առաջ, օգտվելով դուռը բաց լինելու հանգամանքից, համագյուղացու տանը կից խորդանոցից գողացել էր էլեկտրական մսաղաց, սղոց, զոդման սարք և մեքենայի մասեր: 40-ամյա տղամարդու տան զննության ժամանակ նա ներկայացրեց գողոնն ամբողջությամբ:

Տանտերը ոստիկանություն չէր դիմել: Հաղորդում ու ահազանգ չէր ստացվել նաև Ծովինար գյուղի մյուս տուժած բնակիչներից. բոլորն էլ փորձել էին ինքնուրույն գտնել գողին ու իրենց ապրանքը։

Ձեռնարկված օպերատիվ-հետախուզական միջոցառումների շնորհիվ Մարտունու ոստիկանները պարզել են, որ 40-ամյա տղամարդը անցած տարվա գարնանը, դարձյալ օգտվելով դուռը բաց լինելու հանգամանքից, մեկ այլ համագյուղացու հացատնից գողացել էր գործիքներ, էլեկտրական սղոց ու հորատիչ: Գրեթե նույնատիպ գործիք ու սարք էլ տարել էր անցած տարվա հոկտեմբերին՝ այս անգամ հարմարեցված բանալիով բացելով մի երրորդ համագյուղացու տան դուռը: Իսկ այս տարվա հոկտեմբերին, տեխնիկական միջոցների գործադրմամբ պատուհանը բացելով, մտել էր մեկ այլ համագյուղացու տանը կից ավտոտնակ ու գողացել էլեկտրական սարքեր ու գործիքներ:

Քննությամբ հանգամանքները պարզվում են։

Տպել
Կարդացեք նաև
Ամբողջը
Ոստիկանությունը հետաքննում է Դաունինգ Սթրիթում լոքդաունի ժամանակ անցկացված երեկույթները
Դաունինգ Սթրիթում խոստովանել են, որ անձնակազմը հավաքվել էր թիվ 10 շենքի ներսում՝ Բորիս Ջոնսոնի ծննդյան օրը նշելու համար...
Ֆեյսբուքյան գրառումը մեկնաբանած քաղաքացին հրավիրվել է ոստիկանություն
Նա վստահեցրեց, որ շարունակելու է քննադատել իշխանություններին. «Եթե իշխանությունը թույլ է տալիս սխալ քայլեր, չեմ կարծում, որ ոստիկանություն հրավիրելով կփորձեն...
Լոնդոնում ավտոբուսը մխրճվել է շենքի մեջ
Զոհերի մասին չի հաղորդվում, սակայն հայտնի է, որ բժիշկներն արդեն առաջին օգնություն են ցուցաբերում վիրավորներին...
Սողանք Բաթում-Ախալցխա ճանապարհին. երթեւեկությունը դադարեցված է
Բաթում-Ախալցխա ճանապարհի 92 կիլոմետր հատվածում սողանքի պատճառով երթեւեկությունն արգելված է...
Դեբետ գյուղի գյուղապետարանում առաջացած հրդեհի հետևանքով ողջ արխիվը վերածվել է մոխրակույտի
ԱԻՆ փրկարար ծառայության Լոռու մարզի հրդեհային տեսչությունում նյութեր են…
Սյունիքում մերկասառույցի պատճառով անվտանգության պահնորդը Niva-ով գլխիվայր շրջվել է. կա վիրավոր
Սյունիքի մարզում, հունվարի 22-ին, ժամը 23:00–ի սահմաններում, Սյունիքի մարզի...