Երեւանի Հանրապետության հրապարակում այսօր` դեկտեմբերի 4-ին, սկսել են հանրապետության գլխավոր տոնածառի տեղադրման աշխատանքները:
Ավելի վաղ հայտնել էինք, որ Ամանորի եւ Սուրբ Ծնունդի կապակցությամբ Երեւանի քաղաքապետարանը մանուկների համար Հանրապետության հրապարակում որոշել է տեղադրել երկրի գլխավոր տոնածառը:
Նշենք, որ տոնածառը գնվել է 2018 թվականին 71 միլիոն դրամով (կամ մոտ 146 հազար դոլար):
35 մետր բարձրությամբ (գագաթի հետ միասին), հիմքում 14,4 մետր տրամագծով տոնածառը զարդարվելու է շուրջ 200 կիլոմետր երկարությամբ լուսատու շղթաներով, 1500 խաղալիքներով: