Թուրքիայի իրավապահ մարմինները ձերբակալել են երեք ընդդիմադիր YouTube-բլոգերի, որոնք փողոցում հարցազրույցներ էին վերցնում քաղաքացիներից եւ հարցնում նրաց կարծիքը երկրի քաղաքական իրավիճակի մասին, տեղեկացնում է Oda TV-ն։

Պարբերականի տեղեկացմամբ՝ հետաքննություն է սկսվել Kendin Muhabir, Sade Vatandaş եւ İlave TV ալիքների դեմ։ Ալիքների հեղինակները հարցազրույցներ էին վերցնում բնակիչներից փողոցներում։ Հարցվողների մի մասը սատարում էր գործող իշխանությանը, մյուսները քննադատաբար էին տրամադրված։

Բլոգերների ձերբակալության պատճառները չեն նշվում։ Նշվում է, որ կալանավորումն իրականացրել են Կիբեռհանցագործությունների դեմ պայքարի վարչության աշխատակիցները։ Կալանավորվածներից մեկի մոտ նախնական խուզարկություն են կատարել եւ առգրավել համակարգիչն ու կապի այլ միջոցներ։