News
Լրահոս
News
Երեքշաբթի
Մարտ 19
Տեսնել լրահոսը

Դեկտեմբերի 5-ին Փարաքար խոշորացված համայնքում անցկացված ընտրությունների արդյունքում 10 մանդատ ստացել է «Ապրելու երկիր» կուսակցությունը, 9 մանդատ ստացել է «Դավիթ Մինասյան» կուսակցությունների դաշինքը, իսկ 2-ը՝ «Քաղաքացիական պայմանագիրը»։  Փարաքար համայնքում երեկ՝ դեկտեմբերի 21-ին, անցկացվեց նորընտիր ավագանու առաջին նիստը։ Սակայն նիստի արդյունքները դեռեւս չեն պարզել համայնքապետի անունը։ Էմմա Թորոսյանը, որը վարել  է ավագանու անդրանիկ նիստը, NEWS.am-ի հետ զրույցում ասաց, որ համայնքապետի պաշտոնի համար օրինական կերպով առաջադրվել է «Ապրելու երկիր» կուսակցությունը։ Կուսակցության թեկնածուն ընտրվել է 10 ձայնով, ինչն ըստ «Ապրելու երկրի» պարզաբանման,  օրենքը թույլատրում է  40 %-ով ընտրել համայնքապետի համար առաջադրված միակ թեկնածուին։

«Օրինական բոլոր պահանջներին համապատասխան ներկայացվել է միայն Վալոդյա Գրիգորյանի թեկնածությունը, հաջորդ երկուսը բանավոր են ներկայացել, խմբակցությունները փաստաթուղթ չեն ներկայացրել։ Խնդրել են ընդմիջում՝ 20 րոպեով։  Ես առարկել եմ ընդմիջման համար, քվերակություն ենք արել, 20 րոպեով ընդմիջում ենք տվել։ 11 անդամները լքել են դահլիճը։ Ընդմիջումից հետո հավելյալ մի քանի րոպե սպասել ենք, հայտարարել եմ դահլիճում՝ եթե շրջակայքում եք, եկեք դահլիճ։ Սպասել եմ, նորից եմ հայտարարել, էլի սպասել եմ, ինձ ասել են, որ նիստը պետք է շարունակենք ու շարունակել ենք բնականոն ընթացքով։ Խնդիրն այն է, որ խմբակցությունն ինքը պետք է առաջադրի իր թեկնածուին, իսկ իրենք առաջադրել  են առանց խմբակցության դիմումի»,- պատմեց «Ապրելու երկիր» խմբակցության անդամ, նիստը վարած Էմմա Թորոսյանը։

Իրեն հաղթող է համարում նաեւ «Դավիթ Մինասյան» կուսակցությունների դաշինքը։ Բանն այն է, որ նիստին այդպես էլ չեն ներկայացել «Դավիթ Մինասյան» կուսակցությունների դաշինքի եւ «Քաղաքացիական պայմանագրի» ավագանու  անդամները, եւ որոշվել է  նիստը շարունակել եւ անցկացնել  համայնքապետի ընտրությունը։ Արդյունքներն արձանագրելուց հետո, նիստը համարվել է փակված։ Ապա ըստ Էմմա Թորոսյանի՝  ներս են եկել  «Դավիթ Մինասյան» կուսակցությունների դաշինքի եւ «Քաղաքացիական պայմանագրի» ավագանու  անդամները եւ նոր նիստ հրավիրել եւ նոր ընտրություններ անցկացրել։  Այդ ժամանակ իրենց թեկնածություններն են առաջադրել «Դավիթ Մինասյան» կուսակցությունների դաշինքը եւ «Քաղաքացիական պայմանագիրը»։ Միաձայն ընտրվել է Փարաքարի նախկին համայնքապետ Դավիթ Մինասյանը՝ 11 ձայնով։

Նրանք էլ իրենց հերթին են նիստը համարել փակված, եւ հայտարարել, թե համայնքապետը Դավիթ Մինասյանն է։

Համայնքապետի երդման արարողությունը պետք է տեղի ունենա դեկտեմբերի 23–ին։

«Ապրելու երկիր» կուսակցության համայնքապետի թեկնածու Վալոդյա Գրիգորյանը, որը պնդում է, թե ինքն է ընտրված համայնքապետը, մեզ  հետ զրույցում նշեց, որ իրենց այնտեղ եղած ժամանակ համայնքապետի այլ թեկնածու չի առաջադրվել։ Վալոդյա Գրիգորյանն այժմ չի կարողանում մուտք գործել համայնքապետի սենյակ, քանի որ աշխատասենյակի դուռը փակ է։ Ըստ «Ապրելու երկիր» կուսակցության համակիրների՝ Դավիթ Մինասյանը վերցրել է համայնքապետարանի կնիքը եւ հեռացել։

«Փորձել ենք կապ հաստատել Դավիթ Մինասյանի եւ մարզպետարանի ներկայացուցիչներ հետ, դեռեւս արձագանք չի եղել»,- ընդգծեց Գրիգորյանը։

Դավիթ Մինասյանին եւ «Քաղաքացիական պայմանագիր» կուսակցության ավագանու ցուցակը գլխավորող  Լյուդվիգ Գյուլնազարյանին ուղղված մեր զանգերն անպատասխան մնացին։ Համայնքապետարանից ասացին, թե տեղյակ չեն՝ որտեղ է Դավիթ Մինասյանը։ Դավիթ Մինասյանի տան առջեւ կանգնեցված էր  ծառայողական մեքենան, սակայն տան դռան թակոցները եւս անարձանք մնացին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ի ներկայացուցիչներն ուզում են Ընտրական օրենսգրքի նախագծի առանցքային փոփոխություններին ծանոթանալ գրավոր ընթացակարգով
Կենտրոնական ընտրական հանձնաժողովը նոյեմբերի 20-ին հյուրընկալել է ՄԱԿ...
Ընտրական օրենսգրքում նախատեսվող փոփոխությունները խիստ խնդրահարույց են. ՀԿ-ների հայտարարությունը
ՀՀ Արդարադատության նախարարությունը շրջանառել է «ՀՀ ընտրական օրենսգրքում լրացումներ և փոփոխություններ...
Վերին Դվին և Արզնի համայնքների քվեարկության վերջնական արդյունքները հայտնի են
2023 թվականի հոկտեմբերի 29-ին Արարատի մարզի Վերին Դվին համայնքում համայնքի ղեկավարի և ավագանու անդամների, իսկ Կոտայքի մարզի Արզնի…
ԿԸՀ նախագահը ներկայացրել է 2024-ի բյուջեով կառույցին հատկացվող ֆինանսական միջոցները
Գումարը հատկացվելու է «Ընտրական գործընթացների համակարգում, կանոնակարգում և տեղեկատվության տրամադրում» ծրագրի շրջանակներում...
ԿԸՀ-ն հրապարակել է Վերին Դվինում և Արզնիում քվեարկության նախնական արդյունքները
2023 թվականի հոկտեմբերի 29-ին Արարատի մարզի Վերին Դվին համայնքում...
Հաստատվել է հոկտեմբերի 29-ին ՏԻՄ ընտրությունների նախապատրաստման եւ անցկացման միջոցառումների ժամանակացույցը
Համապատասխան ընտրատարածքային ընտրական հանձնաժողովում թեկնածուների գրանցումը կատարվում է՝ 2023 թվականի սեպտեմբերի 29-ից մինչեւ հոկտեմբերի 4-ը՝ մինչեւ ժամը 18:00-ն...
Ամենաշատ