Դեկտեմբերի 27-ին Վիեննայում կվերսկսվեն Իրանի միջուկային ծրագրի շուրջ Գործողությունների համատեղ համապարփակ ծրագրի (ԳՀՀԾ) վերականգնման շուրջ բանակցությունները։ Այս մասին հինգշաբթի հայտարարել է ԵՄ արտաքին ծառայության գլխավոր քարտուղարի տեղակալ, ԳՀՀԾ-ի հարցերով համատեղ հանձնաժողովի համակարգող Էնրիկե Մորան։
«Վիեննայում բանակցությունները կվերսկսվեն երկուշաբթի օրը՝ դեկտեմբերի 27-ին։ ԳՀՀԾ-ի համատեղ հանձնաժողովը կհանդիպի` հետագա ուղին քննարկելու եւ որոշելու համար: Կարեւոր է ավելացնել առանցքային չլուծված խնդիրների [անդրադառնալու] թափը եւ առաջ շարժվել Միացյալ Նահանգների հետ սերտ համագործակցությամբ: Բարի գալուստ ութերորդ փուլ (Իրանի հետ միջուկային համաձայնագրի շուրջ բանակցությունների)»,- գրել է նա Twitter-ի իր էջին։