News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

Ռուսաստանի անվտանգությունը վտանգի տակ է՝ դեպի արեւելք ՆԱՏՕ-ի առաջխաղացման վերաբերյալ Արեւմուտքի շարունակական խաբեության պատճառով, Մոսկվայի համար անվտանգության երաշխիքներ ստանալն այժմ դարձել է կյանքի ու մահվան հարց: Այս մասին «Ռոսիա-1» հեռուստաալիքի եթերում «Մոսկվա, Կրեմլ, Պուտին» հաղորդմանը տված հարցազրույցում ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով լրագրող Վլադիմիր Սոլովյովի հարցերին, հայտնում է ՏԱՍՍ-ը։

«Վերջին երկու տասնամյակների ընթացքում, նույնիսկ ավելին, մեզ մեթոդաբար խաբել են, եւ այս խաբեության հետեւանքով մենք եկել ենք մի իրավիճակի, երբ մեր անվտանգությունը սպառնալիքի տակ է, այդ նույն խաբեության շարունակման սպառնալիքի տակ է, դեպի մեր սահմանները ՆԱՏՕ-ի ե՛ւ քաղաքական, ե՛ւ ռազմական ենթակառուցվածքի ընդլայնման սպառնալիքի տակ է։ Եւ այս առումով, իհարկե, ՆԱՏՕ-ի տարածումը այնպիսի երկրներում, ինչպիսին Ուկրաինան է, բնականաբար, այլ երկրներում եւս, որոնք եղել են Խորհրդային Միության տարածքում»,- ասել է Պեսկովը։

«Սա արդեն խնդիր է մեզ համար, դե, փաստացի կյանքի ու մահվան հարց»,- հավելել է նա:

Կրեմլի ներկայացուցիչը խոստովանել է, որ Պուտինը դեկտեմբերի 23-ի մամուլի ասուլիսում «իրոք զգացմունքային» է խոսել երաշխիքների մասին։ «Բայց ամեն անգամ, երբ նախագահը խոսում է երկրի ազգային շահերի, երկրի անվտանգության մասին, նա միշտ զգացմունքային է, ինչը, սակայն, նրա ձեւակերպումները պակաս սպառիչ չի դարձնում»,- հավելել է նա։

Մեկնաբանելով հեռուստահաղորդավարի նկատառումը՝ Պեսկովը հիշեցրել է, որ երաշխիքների հարցի բարձրացումը նախագահի նախաձեռնությունն է, «ով իրավիճակը համակողմանիորեն վերլուծելու հնարավորություն ունի», այլ ոչ թե պատասխան ամերիկացիների հնարավոր հարցին, թե ինչն է անհանգստացնում Մոսկվային։

«Ոչ, ամերիկացիներն այդպես չեն ասում, ամերիկացիներն անում են: Մենք տեսնում ենք, թե ինչ է անում ՆԱՏՕ-ն, տեսնում ենք զորավարժություններ մեր սահմաններին, տեսնում ենք հսկայական քանակությամբ տեխնիկայի մատակարարում։ Նրանք Հունաստանով են բերում, նաեւ այլ ուղղություններով։ Այս տեխնիկան սկսում է ներթափանցել Ուկրաինայի տարածք, այնտեղ սկսում են գալ ռազմական հրահանգիչներ, ինչպիսիք արդեն մի քանի հազար կան։ Աստիճանաբար ՆԱՏՕ-ն ներթափանցում է Ուկրաինայի տարածք, եւ այնուհետեւ փաստացի կմնա միայն այս գործընթացի պաշտոնականացումը»,- ասել է Պեսկովը։

Նա նաեւ հայտարարել է, որ հունվարին Ժնեւում անվտանգության երաշխիքների վերաբերյալ բանակցությունները ցույց կտան, թե արդյոք ԱՄՆ-ն իսկապես պատրաստ է այս թեմայի վերաբերյալ առարկայական պատասխան տալ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արեւմտյան երկրներն «ապոկալիպսիս են ուզում». Պեսկովը՝ Ռուսաստանի վերաբերյալ ՆԱՏՕ-ի հայտարարությունների մասին
Նա հավելել է, որ պետք է հուսալ, որ «ինչ-որ քաղաքական կամք եւ ինչ-որ քաղաքական բանականություն գոնե մասամբ մնացել են հավաքական Արեւմուտքի մոտ»...
Ալբանիան ՆԱՏՕ-ի հետ ռազմածովային բազա կառուցելու շուրջ բանակցություններ է վարում
Նրա խոսքով՝ Պորտո Ռոմանոն, որը գտնվում է ափամերձ Դուրես քաղաքի մոտ եւ համարվում է երկրի ամենամեծ նավահանգիստը, կունենա առեւտրային հատված, ինչպես նաեւ ռազմական եւ ռազմածովային բազա․․․
Թուրքիան երկերեսանի քաղաքականություն է վարում ՆԱՏՕ-ի նկատմամբ․ Haaretz
Թուրքիան երկերեսանի քաղաքականություն է վարում ՆԱՏՕ-ի նկատմամբ՝ կապված ՆԱՏՕ-ին անդամակցելու Շվեդիայի եւ Ֆինլանդիայի հայտերի հետ․․․
ՆԱՏՕ-ն վերադարձել է Սառը պատերազմի ժամանակների անվտանգության սխեմաներին
«ՆԱՏՕ-ի ընդլայնումը, Ֆինլանդիայի եւ Շվեդիայի մուտքն այնտեղ, իմ կարծիքով, եվրոպական անվտանգության էվոլյուցիայի ամենատխուր դրվագներից մեկն է...
Լավրովը հայտարարել է Վարշավայի պայմանագրի փլուզումից հետո ՆԱՏՕ-ի իմաստի կորստի մասին
Լավրովը «հիմար» եւ «ամոթալի» է անվանել հայտարարություններն այն մասին, թե ՆԱՏՕ-ն բացառապես պաշտպանական դաշինք է...
Ֆինլանդիայի ԱԳՆ ղեկավարը նշել է երկրի՝ ՆԱՏՕ մտնելու ժամկետները
«Մենք հուսով ենք, որ երեքշաբթի Բրյուսելում կստորագրենք անդամակցության արձանագրությունը, սակայն 30 ազգային խորհրդարաններում վավերացման գործընթացն ավելի երկար կտեւի...
Ամենաշատ
Ֆոտոռեպորտաժներ