Եվրամիության երկրները պետք է միասին աշխատեն կայունության եւ անվտանգության նոր համաձայնագրի շուրջ, որի շուրջ նրանք կարող են հետագայում բանակցել Ռուսաստանի հետ։ Այս մասին Եվրախորհրդարանում հայտարարել է Ֆրանսիայի նախագահ Էմանուել Մակրոնը, փոխանցում է Reuters-ը։
Հղում անելով մայրցամաքում «ապակայունացման ջանքերին»՝ Մակրոնը, ելույթ ունենալով ԵՄ-ում Ֆրանսիայի նախագահությանն ընդառաջ, ասել է, որ Եվրոպան ցանկանում է «քաղաքական պատասխան գտնել ուկրաինական հակամարտությանը»։
«Մեր մայրցամաքի անվտանգությունն անքակտելի է»,- ասել է Մակրոնը՝ հավելելով, որ Եվրոպան պետք է որոշի իր անվտանգության չափանիշները։ Նրա խոսքով՝ Եվրոպան պետք է «այն վիճակում լինի, որպեսզի վստահ լինի, որ իրեն կարող են հարգել»։
Մակրոնը նաեւ նշել է, որ ԵՄ-ն պետք է վերանայի իր հարաբերությունները Արեւմտյան Բալկանների հետ եւ առաջարկի նրանց դաշինքին միանալու «անկեղծ» հեռանկարներ։
