News
Լրահոս
News
Չորեքշաբթի
Մայիս 25
USD
450.71
EUR
480.77
RUB
8.04
Տեսնել լրահոսը

Եթե խոսում ենք Արարատյան դաշտավայրից երկաթիծը վայոց ձորով ու Սյունիքով հասնի Իրանի սահման, մենք պետկերացնում ենք, չէ՞, թե խոսքն ինչ ռելիեֆի մասին է: Այս մասին այսօր՝ հունվարի 24-ին, մամուլի ասուլիսում նշեց ՀՀ վարչապետ Նիկոլ Փաշինյանը՝ անդրադառնալով հարցին, թե ինչու անկախությունից ի վեր չի կառուցվել Հայաստան-Իրան երկաթգիծը:

«Նաեւ պատկերացնում ենք, թե նույնիսկ հարթ ռելիեֆի դեպքում երկաթուղի կառուցերն ինչ ծախսերի հետ է կապված: Դա մի քանի միլիարդ ոդոլարանոց ծրագիր է: Բա տարինե՞րը: Ես կարող եմ ասել, որ նման ծրագրերը առանց տնտեսական հիմնավորվածության տեղի չեն ունենում:

Մենք հեղափոխությունից առաջ հետաքննություն էինք սկսել: Այդտեղինչ-որ գործողություններ էին արվել եւ ավելի շատ տպավորություն կար, որ դա որոշակի մեքենայություն է, քան իրական ծրագիր: Մենք պետք է հասկանանք, որ ամեն ինչ չէ, որ ասվում է, դա իրագործելի է»,-ասաց նա:

Անդրադառնալով Երասխ-Օդրուբադ-Մեղրի-Հորադիզ երկաթուղուն, Փաշինյանն ասաց. «Բրյուսելից հետո ես ասացի, որ այդ հարցում Ադրբեջանի նախագահի հետ համաձայնություն ենք ձեռք բերել, որ պետք է սկսենք այդ երկաթուղու կառուցումը: Իմ որոշմամբ արդեն աշխատանքային խումբ է ստեղծվել: Այն հատվածները, որ մենք պետք է կառուցենք, տասնյակ անգամներով ավելի էժան է, քան այն, ինչի մասին խոսում ենք: Նախնական գնահատականով 200 մլն դոլար եւ 5 մլն դոլար ներդրման մասին է: Դա Հայաստանի համար մեծ բեռ չէ եւ շատ միջազգային դոնորներ հետաքրքրություն են ցուցաբերում: Կարող է անգամ լինել այնպես, որ ՀՀ բյուջեից փող ներդնելու անհրաժեշտություն չլինի: Մենք նաեւ պետք է հասկանանք, թե ինչ է դրա մասին մտածում, օրինակ, «Հարավկովկասյան երկաթուղիները»: Կան նաեւ եվրոպական ընկերություններ, որոնք հետաքրքրված են, պատրաստ են գալ, ներդրում անել, ֆինանսավորել ու շահագործել: Գործնականում այդ երկաթուղու կառուցման նախապատրաստական աշխատանքները սկսված են:

Եթե Հայաստան-Իրան երկաթուղին Հայաստանն ու Իրանն էր իրար հետ կապելու, այս սցենարով երկաթուղին Հայաստանը կպում է Իրանի եւ ՌԴ-ի հետ: Իսկ եթե մեզ հաջողվի հասնել Հայաստան-Թուրքիա սահմանի բացմանը, սա նշանակում է, որ Հայաստանը Եվրոպայի հետ, Իրանի հետ, ՌԴ-ի հետ, Չինաստանի հետ ստանում է երկաթուղային կապ»:

Վարչապետի խոսքով, Հայաստանը, Ադրբեջանը տրանզիտային հսկայական եկամուտներ են ստանալու:

 

!
Այս նյութը հասանելի է նաև   Русский
Տպել
Ամենաշատ