Հրաժարվում եմ պատասխանել «Հրապարակ» թերթի լրագրողների հարցերին։ Այս մասին հունվարի 27-ին լրագրողների հետ զրույցում ասաց Հայաստանի էկոնոմիկայի նախարար Վահան Քերոբյանը։
Նա բացատրեց, որ իր մասին «կեղծ տեղեկություններ» են գրում։ Նրա խոսքով՝ քանի դեռ հերքումներ չեն եղել, ինքը չի պատրաստվում պատասխանել կոնկրետ այդ թերթի հարցերին։
«Գրել են՝ «Քերոբյանի սուտը բացահայտված է»։ Քանի դեռ հերքում չկա, ես որոշ ժամանակ չեմ պատասխանի ձեր հարցերին»,- հավելեց նախարարը։
