Թուրքիան պատրաստ է ընդունել Ռուսաստանի Դաշնության եւ Ուկրաինայի հանդիպումը Մինսկի ձեւաչափով, Անկարան պատրաստ է աջակցել։ Այս մասին հայտարարել է Թուրքիայի արտգործնախարար Մեւլյութ Չավուշօղլուն։
«Ինչ վերաբերում է Մինսկի ձեւաչափով բանակցություններին, մենք ասել ենք, որ եթե հարցում ստանանք, թե արդյոք կարող ենք ընդունել, սիրով կընդունեն։ Ձեւաչափի բոլոր կողմերին, երբ որոշեն, պատրաստ ենք ընդունել եւ ցուցաբերել ցանկացած աջակցություն։ Որեւէ խնդիր չի լինի»,- մամուլի ասուլիսի ժամանակ ասել է Չավուշօղլուն։
Ավելի վաղ Թուրքիայի ԱԳՆ աղբյուրը հայտնել է, որ թուրքական կողմը ծրագրում է Ստամբուլում բանակցություններ կազմակերպել Մինսկի համաձայնագրերի շուրջ «նույն խաղացողների մասնակցությամբ, ինչ նախկինում՝ Ռուսաստան, Ուկրաինա, Դոնբասի եւ ԵԱՀԿ-ի ներկայացուցիչներ», փոխանցում է ՌԻԱ Նովոստին։