Հայաստանը եւ Թուրքիան կկարողանան պայմանավորվել երկու երկրների հարաբերությունները կարգավորման հատուկ բանագնացների հանդիպման վայրի շուրջ։ Այս մասին հունվարի 27-ին Ազգային ժողովում լրագրողների հետ հանդիպման ժամանակ հայտարարեց ԱԺ արտաքին հարաբերությունների մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Էդուարդ Աղաջանյանը՝ պատասխանելով հարցին՝ կա՞ արդյոք պայմանավորվածություն, որ բանագնացների հանդիպումները չպետք է անցկացվեն երրորդ երկրներում:
Պատգամավորը հերքմամբ հանդես եկավ.
«Այդ հարցը չի քննարկվել, բայց կարծում եմ, որ սա այն դեպքը չէ, որի շուրջ հնարավոր չէ համաձայնության գալ»,- ընդգծեց Աղաջանյանը։
Միաժամանակ, ըստ նրա, դեռ հստակ հայտնի չէ, թե երբ եւ որտեղ կկայանա հատուկ բանագնացների հաջորդ հանդիպումը։
Ավելի վաղ լրատվամիջոցները գրել էին, որ թուրքական կողմն առաջարկել է պաշտոնական Երեւանին երրորդ երկրներում հանդիպումներ չանցկացնել։ ԶԼՄ-ները հայտնել էին նաեւ Ստամբուլում մոտալուտ հանդիպման մասին։ Առաջին հանդիպումը կայացել է Մոսկվայում։
