«Սիլվայի գործով» նիստը շարունակվեց ընդմիջումից հետո։ Հատկաված մեկ ժամի փոխարեն ընդմիջումը տեւեց կես ժամ։

Արմեն Գեւորգյանը ժամանեց, եւ դատավոր Դանիբեկյանն անմիջապես հայտարարեց, որ նրա բացակայությունն անհարգելի է համարում։ 

Հիշեցնենք, որ ընդմիջումը հայտարարվել էր Գեւորգյանի ժամանումն ապահովելու համար։ Ինչպես արդեն հայտնել էինք, նա մասնակցում էր ԱԺ նիստին։  

Գեւորգյանը հայտնեց, որ պետք է վերադառնա նիստին, որին մասնակցելը սահմանադրական պարտավորություն է։ Դատավորը հայտարարեց բերման ենթարկելու հնարավորության մասին։

Փաստաբան Լուսինե Սահակյանը հիշեցրեց, որ ըստ Սահմանադրության՝ դատարանը չի կարող պատգամավորին բերման ենթարկել։ Դատավորը դադարեցրեց հարցի քննարկումը եւ անցավ օրակարգին ու նախկինում ներկայացված միջնորդությունների քննարկմանը։