Միացյալ Նահանգները անհանգստացած է, որ Ռուսաստանը հատուկ գործողության ընթացքում կարող է ձեռք բերել Ուկրաինայում տեղակայված ամերիկյան կենսաբանական լաբորատորիաների նյութերը, ասել է ԱՄՆ պետքարտուղարի քաղաքական հարցերի գծով տեղակալ Վիկտորյա Նուլանդը։
«Ուկրաինայում իսկապես կան օբյեկտներ կենսաբանական հետազոտությունների իրականացման համար, մենք հիմա բավական անհանգստացած ենք, որ ռուսական ուժերը կարող են ստանալ դրանց վերահսկողությունը»,- ասել է նա ուկրաինական խնդրի շուրջ Սենատի լսումների ժամանակ։
Նա նշել է, որ այդ անհանգստությունից ելնելով՝ Միացյալ Նահանգներն այժմ աշխատում է ուկրաինացիների հետ՝ փորձելով հնարավորինս կանխել այդ հետազոտություններին վերաբերող ցանկացած նյութի հայտնվելը ռուսական զորքերի ձեռքերում։
Ավելի վաղ Ռուսաստանի պաշտպանության նախարարությունը հայտարարել էր, որ Ուկրաինայի տարածքում, Պենտագոնի հետ համատեղ ծրագրերի շրջանակում, գործում է 30 կենսալաբորատորիա, որոնք գոր են ունեցել վտանգավոր վարակների հարուցիչների հետ։
