News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

Սլովակիայի պետական գազ ներկրող SPP-ն ռուսական բնական գազի դիմաց եվրոյով է վճարել, ինչպես նաեւ ռուբլու հաշիվ է բացել «Գազպրոմբանկ»-ում, ասել է գլխավոր տնօրեն Ռիչարդ Պրոկիպչակը։

«Մենք «Գազպրոմ»-ի հանդեպ մեր վճարումները եվրոյով ենք կատարել»,- ասել է Պրոկիպչակը Սլովակիայի հանրային RTVS հեռուստատեսությանը տված հարցազրույցում, որտեղ ասել է, որ վճարումը կատարվել է մայիսի 17-ին:

«Հաշիվն ինքնին «Գազպրոմը» եվրոյով է ներկայացրել: Դրանից հետո գումարն ուղարկվել է «Գազպրոմ»-ի հաշվեհամարին, եւ ես ունեմ հաստատում, որ վճարումը ստացվել է»,- ասել է Պրոկիպչակը։ Փոխարկումից հետո, որը կավարտվի «Գազպրոմ»-ին ռուբլի փոխանցումով, գազամատակարարումը կշարունակվի։

Թեեւ Եվրահանձնաժողովը խորհուրդ է տվել ընկերություններին ռուբլով բանկային հաշիվ չբացել «Գազպրոմբանկ»-ում, իր պաշտոնական գրավոր ուղեցույցում նա հստակ չի հայտարարել, որ դա կհանգեցնի պատժամիջոցների խախտման, հաղորդում է Reuters-ը:

«Արտարժույթի փոխարկումը դուրս է SPP-ի ցանկացած վերահսկողությունից, մեզ համար մեր պարտավորությունների կատարման իսկապես կարեւոր պահը եվրոյով վճարումն է»,- ասել է Պրոկիպչակը։

 

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ