Սիրիայի ԱԳՆ-ը ագրեսիայի ակտ է համարում Սիրիայի տարածքում այսպես կոչված «անվտանգության գոտի» ստեղծելու Թուրքիայի գործողությունները։
Ինչպես հայտնում է ՍԱՆԱ պետական լրատվական գործակալությունը, վկայակոչելով Սիրիայի Արաբական Հանրապետության արտաքին գործերի նախարարության հայտարարությունը, «Սիրիայի տարածքում այսպես կոչված «անվտանգության գոտի» ստեղծելու թուրքական վարչակարգի գործողությունները ամոթալի ագրեսիա են եւ մաս են կազմու Սիրիական օկուպացված տարածքներում Ռեջեփ Թայիփ Էրդողանի կառավարության կողմից իրականացվող էթնիկ եւ աշխարհագրական զտումների քաղաքականության, որոնք ռազմական հանցագործություններ են եւ մարդկության դեմ հանցագործություններ, որոնք մերժվում են ՄԱԿ-ի կանոնադրությամբ, միջազգային իրավունքով եւ միջազգային մարդասիրական իրավունքով»:
«Սիրիայի ինքնիշխանությունը, անկախությունը եւ տարածքային ամբողջականությունը շանտաժի կամ սակարկման օբյեկտ չի դառնա ծայրահեղական թուրքական ռեժիմի կողմից՝ Վաշինգտոնում եւ որոշ արեւմտյան երկրներում իր դաշնակիցների հետ համաձայնությամբ, որոնք էժանագին քաղաքական շահ են փնտրում՝ սիրիացի ժողովրդի եւ նրա հողի միասնության հաշվին, ինչը հակասում է միջազգային կոնսենսուսին Սիրիայի ինքնիշխանությունը պահպանելու եւ հարգելու անհրաժեշտության հարցում։
Սիրիան ընդգծում է իր անքակտելի իրավունքը միջազգային իրավունքով՝ օգտագործելու օրենքով եւ ՄԱԿ-ի կանոնադրության սկզբունքներով երաշխավորված բոլոր օրինական միջոցները՝ Էրդողանի վարչակարգի եւ նրա գործակալների ցանկացած գործողություններին հակազդելու համար: Սիրիան պահանջում է, որ բոլոր անօրինական օտարերկրյա ուժերը դուրս բերվեն Սիրիայի տարածքից եւ դադարեցվի ահաբեկչությանն աջակցությունը»,- ասվում է հայտարարության մեջ։
