Իսրայելի ռազմաօդային ուժերի տասնյակ կործանիչներ օդային զորավարժություններ են իրականացրել Միջերկրական ծովի վրայով՝ Իրանի միջուկային օբյեկտների ուղղությամբ հարվածի իմիտացիա ստեղծելով, հայտնում է Times of Israel-ը:
Իսրայելի պաշտպանության բանակի տվյալներով՝ զորավարժությունները «հեռահար թռիչք, օդային լիցքավորում եւ հեռավոր թիրախների ուղղությամբ հարվածներ են ներառել»։
Ավելի վաղ` այս ամսվա սկզբին, The Times of Israel-ին հայտնի էր դարձել, որ «Հրե մարտակառքեր» զորավարժությունների շրջանակներում անցկացվող զորավարժությունները հարված են իմիտացնելու Իրանի, այդ թվում դրա միջուկային օբյեկտների ուղղությամբ:
«Հրե մարտակառքեր» զորավարժությունները, որոնց մասնակցում են Իսրայելի պաշտպանության բանակի գրեթե բոլոր ստորաբաժանումները, կենտրոնացել են Իսրայելի հյուսիսային սահմաններում ռազմական գործողությունների նախապատրաստման վրա, այդ թվում՝ Լիբանանում` «Հեզբոլլահ»-ի դեմ։
Անցյալ տարվա սկզբին Իսրայելի պաշտպանության բանակի շտաբի պետ Ավիվ Կոխավին հայտարարել էր, որ զինվորականներին հանձնարարել է սկսել Իրանի վրա հարձակվելու նոր պլանների մշակումը: Սեպտեմբերին Կոխավին հայտարարել էր, որ բանակը «զգալիորեն արագացրել է» Թեհրանի միջուկային ծրագրի դեմ գործողությունների նախապատրաստումը: