Երեւանի ընդհանուր իրավասության դատարանի Շենգավիթի նստավայրում «Սիլվայի գործով» նիստ տեղի կունենա։

Գործով որպես մեղադրյալներ անցնում են Հայաստանի երկրորդ նախագահ Ռոբերտ Քոչարյանը եւ նախկին փոխվարչապետ, այժմ ընդդիմադիր «Հայաստան» խմբակցության պատգամավոր Արմեն Գեւորգյանը։

Ավելի վաղ փաստաբան Հայկ Ալումյանը միջնորդել էր վերացնել կամ փոխել Ռոբերտ Քոչարյանի նկատմամբ խափանման միջոցը։ Ներկայումս դա 2 միլիարդ դրամի գրավ է։ Միջնորդությունը ներկայացվել է երկու դռնփակ նիստերում եւ ի վերջո մերժվել է։