News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

Ֆրանսիայի նախագահ Էմանուել Մակրոնը, «Մեծ Յոթնյակի» գագաթաժողովի ընթացքում Ջո Բայդենին ասել է, որ Սաուդյան Արաբիան եւ ԱՄԷ-ն դժվար թե կարողանան ավելացնել նավթի արդյունահանումը, հայտնում է Reuters լրատվական գործակալությունը:

Մակրոնն ասել է, որ այս մասին իրեն հայտնել է Արաբական Միացյալ Էմիրությունների նախագահ շեյխ Մուհամմեդ բն Զայյիդ Ալ Նահյան:

Համաշխարհային առաջարկի պակասի եւ աճող պահանջարկի ֆոնին Brent ընկերության նավթի գներն աճել են ավելի քան 2 դոլարով բարելի դիմաց՝ հասնելով 115-ի:

Սաուդյան Արաբիան եւ ԱՄԷ-ն համարվում միակ երկու պետությունները, որոնք դեռեւ պահեստային հզորություն ունեն եւ համաշխարհային մատակարարումներն ավելացնելու հարցում կարող են օգնել: Սաուդյան Արաբիան ներկայումս արդյունահանում է օրական 10,5 մլն բարել նավթ եւ օրական 12,0-12,5 միլիոն բարել նախագծային հզորություն ունի, ինչը տեսականորեն 2 միլիոն բարելով կբարձրացնի օրական արդյունահանման ցուցանիշը: Իսկ ԱՄԷ-ն օրական արդյունահանում է մոտ 3 միլիոն բարել  եւ աշխատում է հզորությունը 3,4 միլիոնից հասցնել 4-ի:

Եվրոպան այս պահին ուղիներ է փնտրում փոխարինելու Ռուսաստանից ներկրվող օրական 2 միլիոն բարել նավթը եւ 2 միլիոն բարել նավթամթերը:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ