News
Լրահոս
News
Չորեքշաբթի
Օգոստոս 17
USD
405.96
EUR
412.94
RUB
6.7
Տեսնել լրահոսը

ՆԱՏՕ-ն եւ դաշինքի գործընկերները երբեք Կիեւին Patriot հակաօդային պաշտպանության համակարգեր չեն փոխանցի, որպեսզի չսադրեն Մոսկվային, գրում է իսպանական Vanguardia թերթը։

«Արեւմուտքը լի է Ուկրաինային օգնելու վճռականությամբ... բայց ոչ այն աստիճան, որ Մոսկվայի աչքում հանդես գա որպես հակամարտության մասնակից եւ հրահրի ավելի մեծ կամ գլոբալ պատերազմ: Կան զենքեր, որոնք ՆԱՏՕ-ն եւ նրա գործընկերները երբեք չեն տա Կիեւի ձեռքը»,–գրում է թերթը։ Մասնավորապես, խոսքը ամերիկյան Patriot զենիթահրթիռային համակարգերի մասին է։ Հրապարակման համաձայն՝ այդ ՀՕՊ համակարգերը «չեն հասնի Ուկրաինա, որպեսզի Ռուսաստանին չհրահրեն ավելի, քան անհրաժեշտ է»:

Ինչպես նշվում է, առաջին հերթին, նման համալիրների տեղակայումը պահանջում է բարձր որակավորում ունեցող անձնակազմ, եւ ներկա պայմաններում կստիպեր ամերիկյան անձնակազմ տեղակայել Ուկրաինայի տարածքում, «իսկ դա անհնար է»։ Եվ երկրորդ՝ Ուկրաինայում հակաօդային պաշտպանության համակարգերի հնարավոր տեղակայումը «Մոսկվայի կողմից կընկալվի որպես ԱՄՆ-ի անմիջական մասնակցություն պատերազմին»։

Հրատարակությունը հավելում է, որ Կիեւը նաեւ անարդյունք Իսրայելին խնդրել է «Երկաթե գմբեթ» հակահրթիռային պաշտպանության համակարգեր փոխանցել Ուկրաինային։ «Իսրայելի դիրքորոշումն այս պահին հումանիտար օգնությունների ավելացումն է, բայց ոչ հակամարտությանը միջամտելը հակաօդային պաշտպանության համակարգերի, նորագույն զենքի կամ հարվածային համակարգերի մատակարարման միջոցով»,- գրում է Vanguardia-ն։ Բացի այդ, ըստ թերթի, Ուկրաինան ստիպված չէ հույսը դնել հետախուզության հավաքման որոշակի միջոցների վրա, ինչպիսիք են Predator կամ Global Hawk անօդաչու սարքերը։ Այդ կապակցությամբ Կիեւը ստիպված կլինի շարունակել վստահել արեւմտյան հետախուզությանը։

Հրատարակության կարծիքով՝ Արեւմուտքը ստիպված է մշտապես հավասարակշռել Ուկրաինային օգնելու անհրաժեշտությունը եւ Ռուսաստանին շատ չնյարդայնացնելը, ինչը հաճախ հանգեցնում է նրան, որ զենքի մատակարարումը մեծապես հետաձգվում է կամ ընդհանրապես չի հասնում։

Ռուսաստանը նախկինում նոտա է ուղարկել ՆԱՏՕ-ի երկրներին՝ Ուկրաինային զենք մատակարարելու պատճառով։ Ռուսաստանի արտգործնախարար Սերգեյ Լավրովը նշել է, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։ ՌԴ ԱԳՆ-ը հայտարարել է, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային։ Ռուսաստանի Դաշնության նախագահի մամուլի քարտուղար Դմիտրի Պեսկովը նշել է, որ Ուկրաինային Արեւմուտքից զենք մատակարարելը չի նպաստում ռուս-ուկրաինական բանակցությունների հաջողությանը եւ բացասական ազդեցություն կունենա, գրում է «ՌԻԱ Նովոստին»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լիտվայի ԱԳՆ-ն հանդես է եկել ռուսաստանցիների համար զբոսաշրջային շենգենյան վիզաների չեղարկման օգտին
Գերմանիայի կառավարությունը ավելի վաղ քննարկման էր ներկայացրել ԵՄ որոշման նախագիծը, որով արգելվում է Ռուսաստանի քաղաքացիներին շենգենյան․․․
Արեւմտյան երկրները ցանկանում են «արյունոտ» կարգավիճակ տալ ռուսական ադամանդներին. NYT
Պարբերականը նաեւ պնդում է, որ Ռուսաստանից ադամանդների մեծ մասն իբր մշակվում է Հնդկաստանում, որտեղ դրանք որպես հնդկական ծագման ադամանդներ են պիտակավորվում...
Թուրքիայի ՊՆ-ն հայտնել է, որ գյուղմթերքով բեռնված չորս նավ լքել է Ուկրաինայի նավահանգիստները
«Այսօր առավոտյան Օդեսայի եւ Չեռնոմորսկի նավահանգիստները լքել է եւս չորս նավ, որոնք տեղափոխում են արեւածաղկի սերմեր եւ արեւածաղկի ձեթ»,-ասվում է հաղորդագրության մեջ․․․
Լատվիան չի երկարացնի Ռուսաստանի քաղաքացիներին նախկինում տրված կացության թույլտվությունների ժամկետը
Առաջիկա շաբաթների ընթացքում կառավարությունում այս հարցի վերաբերյալ կոնկրետ որոշումներ կկայացվեն․․․
ՌԴ պաշտպանության նախարարությունը Ջանկոյում տեղի ունեցած միջադեպը դիվերսիա է անվանել
Ինչպես պարզաբանել են ռազմական գերատեսչությունում, արդյունքում վնաս է հասցվել քաղաքացիական օբյեկտներին, այդ թվում՝ էլեկտրահաղորդման գծերին․․․
Ֆինլանդիան կնվազեցնի ռուսաստանցիներին տրվող վիզաների թիվը մինչեւ ներկայիս ծավալի 10 տոկոսը
Նրա խոսքով՝ այս որոշումն ընդունվել է այն պատճառով, որ ռուս զբոսաշրջիկները Ֆինլանդիան եւ նրա ․․․
Ամենաշատ
Ֆոտոռեպորտաժներ