«Մուլտի գրուպ» ընկերությունը հանդես է եկել նախաձեռնությամբ՝ Հատիս սարի վրա Հիսուս Քրիստոսի արձանի կառուցման վերաբերյալ. Համապատասխան փաստաթղթերը ներկայացվել են կառավարություն: Այս մասին այսօր՝ հուլիսի 7-ին, կառավարության նիստում նշեց ՀՀ վարչապետ Նիկոլ Փաշինյանը:
«Մեր նախնական գնահատականը դրական է նախագծի վերաբերյալ, որովհետեւ կարծում ենք, որ ինքը զբոսաշրջային հետաքրքրությունը Հայաստանի համար կմեծացնի: Հուսով եմ՝ համապատասխան մարմինները պատշաճ ժամկետներում հարցը կքննարկեն: Այնտեղ մի շարք վարչական որոշումների անհրաժեշտություն կա: Այդ որոշումները կկայացվեն եւ պրոցեսն առաջ կընթանա նախատեսված տրամաբանությամբ»,-ասաց վարչապետը:
