Երեւանում տեղի ունեցավ ներդրումային բարեփոխումների ճանապարհային քարտեզի շնորհանդեսը։

Միջոցառմանը ներկա էին ՀՀ էկոնոմիկայի նախարար Վահան Քերոբյանը եւ USAID առաքելության տնօրեն Ջոն Ալելոն։

Բարեփոխումների ճանապարհային քարտեզն ընդգրկում է ներդրումային միջավայրի բարելավման հիմնական ոլորտները՝ ներառյալ ներդրումային արդյունավետությունը, ներդրումային քաղաքականությունը, արտոնությունները, ինստիտուցիոնալ համակարգը, ինչպես նաեւ որպես այդպիսին ներդրումների խթանումն ու դյուրացումը:

Ներդրումային բարեփոխումների ճանապարհային քարտեզի հիման վրա՝ «Հայաստանում գործարար միջավայրի բարելավում» USAID ծրագրի աջակցությամբ, Հայաստանի էկոնոմիկայի նախարարությունը մշակել է ներդրումային քաղաքականության հայեցակարգի նախագիծ։ Նախագիծը ներկայումս քննարկման փուլում է։