News
Լրահոս
News
Ուրբաթ
Հոկտեմբեր 07
USD
405.46
EUR
400.8
RUB
6.7
Տեսնել լրահոսը

2022 թվականի սեպտեմբերի 25-ին Հայաստանի Հանրապետության 18 համայնքներում նշանակված են տեղական ինքնակառավարման մարմինների ընտրություններ:

ԿԸՀ-ից NEWS.am-ին հայտնում են, որ տեղական ինքնակառավարման մարմինների ընտրություններ կանցկացվեն

 - Արագածոտնի մարզի Ալագյազ, Ծաղկահովիտ, Թալին համայնքներում.

- Գեղարքունիքի մարզի Ճամբարակ համայնքում.

- Լոռու մարզի Գյուլագարակ, Ալավերդի, Լոռի Բերդ, Տաշիր համայնքերում.

- Կոտայքի մարզի Չարենցավան, Ակունք, Բյուրեղավան, Ջրվեժ համայնքներում.

- Շիրակի մարզի Անի համայնքում.

- Սյունիքի մարզի Սիսիան, Քաջարան համայնքներում.

- Վայոց Ձորի մարզի Արենի, Եղեգիս համայնքներում.

- Տավուշի մարզի Բերդ համայնքում:

Արագածոտնի մարզի Ալագյազ համայնքում համայնքի ղեկավարի և ավագանու անդամների ընտրությունները կանցկացվեն մեծամասնական ընտրակարգով, իսկ մյուս համայնքներում ավագանու ընտրությունները կանցկացվեն համամասնական ընտրակարգով:

Համամասնական ընտրակարգով ընտրությունների դեպքում կուսակցությունների, կուսակցությունների դաշինքների ընտրական ցուցակների առաջադրման և գրանցման համար անհրաժեշտ փաստաթղթերը համապատասխան ընտրատարածքային ընտրական հանձնաժողով ներկայացվում են՝ 2022 թվականի օգոստոսի 11-ից մինչև օգոստոսի 21-ը՝ մինչև ժամը 18:00-ն, գրանցումը կատարվում է՝ 2022 թվականի օգոստոսի 21-ից մինչև օգոստոսի 26-ը:

Ալագյազ համայնքի մեծամասնական ընտրակարգով համայնքի ղեկավարի և ավագանու անդամների ընտրությունների դեպքում  թեկնածուների առաջադրման և գրանցման համար անհրաժեշտ փաստաթղթերը համապատասխան ընտրատարածքային ընտրական հանձնաժողով ներկայացվում են՝ 2022 թվականի օգոստոսի 21-ից մինչև օգոստոսի 26-ը՝ մինչև ժամը 18:00-ն, իսկ գրանցումը կատարվում է՝ 2022 թվականի օգոստոսի 26-ից մինչև օգոստոսի 31-ը՝ մինչև ժամը 18:00-ն:

Յուրաքանչյուր ոք իրավունք ունի մինչև 2022 թվականի սեպտեմբերի 11-ը ընտրողների ցուցակներում տեղ գտած անճշտությունները (այդ թվում` դիմողի անձին չվերաբերող) վերացնելու մասին դիմում ներկայացնել՝ ՀՀ ոստիկանության անձնագրային և վիզաների վարչություն կամ վարչության համապատասխան տարածքային բաժանմունք:

Տեղական ինքնակառավարման մարմինների ընտրությունների ժամանակացույցերը, անհրաժեշտ փաստաթղթերի ձևերը և անհրաժեշտ ողջ տեղեկատվությունը հրապարակված է Կենտրոնական ընտրական հանձնաժողովի կայքում՝ www.elections.am:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Քվեարկության արդյունքների վերահաշվարկի 19 դիմում է ստացվել, իսկ արդյունքներն անվավեր ճանաչելու 1 դիմում է եղել. ԿԸՀ
2022 թվականի սեպտեմբերի 25-ին կայացած տեղական ինքնակառավարման...
ՔՊ–ին 3 մանդատ է պակասում Սիսիանում համայնքապետ ընտրելու համար. ո՞ր ուժերը կստանձնեն համայնքի կառավարումը
Սիսիան խոշորացված համայնքում մանդատների ընդհանուր թիվը 21–ն է...
Մեկ մանդատի ուժը. Ալավերդիում ՀԱԿ–ից է կախված, թե որ ուժը կստանձի տեղական իշխանության կառավարումը
Նախնական տվյալով, «Ապրելու երկիրն» ու «Քաղաքացիական պայմանագիրը» ստանալու են 13 մանդատ...
ԿԸՀ տվյալները. ՔՊ-ն հաղթել է Թալինում, Արենիում, Ակունքում, պարտվել՝ Քաջարանում, Տաշիրում, Անիում, Ալավերդիում
ՏԻՄ ընտրություններ. ԿԸՀ-ն հրապարակել է նախնական արդյունքները...
«Ազգային առաջընթաց» կուսակցությունը կմասնակցի Երևանի ավագանու ընտրություններին. հայտնի է քաղաքապետի թեկնածուն
Կուսակցությունը նաև հայտնում է, ու Երևանի ավագանու ընտրություններում իրենց...
«Ականատես» դիտորդական նախաձեռնությունը կիրականացվի ՏԻՄ ընտրությունների երկարաժամկետ և կարճաժամկետ դիտարկում
2022թ. սեպտեմբերի 25-ին տեղի են ունենալու տեղական ինքնակառավարման մարմինների ընտրություններ ՀՀ 18 համայնքներում...
Ֆոտոռեպորտաժներ