News
Լրահոս
News
Շաբաթ
Հոկտեմբեր 01
USD
405.65
EUR
396.08
RUB
7.57
Տեսնել լրահոսը

Իսրայելական զինվորականները, շաբաթ օրը վերսկսելով իրենց հարվածները Գազայի ուղղությամբ, հայտարարել են, որ պատրաստ են «մեկշաբաթյա օպերացիային», քանի որ «Իսլամական ջիհադը» շարունակում է տասնյակ հրթիռներ արձակել անկլավից հարավային եւ կենտրոնական Իսրայելի ուղղությամբ, հաղորդում է Axios-ը:

Սպանվել է առնվազն 15 պաղեստինցի, այդ թվում՝ 5-ամյա մի աղջիկ եւ «Իսլամական ջիհադի» ավագ անդամ, ավելի քան 120 մարդ վիրավորվել է ուրբաթ օրը, երբ Իսրայելը սկսեց հարվածներ հասցնել Գազայի հատվածի ուղղությամբ, հայտնել է Պաղեստինի առողջապահության նախարարությունը։

Իսրայելցի զինվորականները հայտնել են, որ «Իսլամական ջիհադի» 13 անդամներ, այդ թվում՝ հրամանատար Թայսիր ալ Ջաբարին, սպանվել են, իսկ Գազայից ուրբաթ երեկոյան ավելի քան 200 հրթիռ է արձակվել:

Իսրայելի պաշտպանության բանակի ներկայացուցիչ Ռան Կոչավը լրագրողների հետ ճեպազրույցում ասել է, որ Իսրայելը հրադադարի շուրջ բանակցություններ չի վարում։ Նա ասել է, որ Իսրայելի պաշտպանության բանակը մեկշաբաթյա օպերացիայի է պատրաստվում, որն անհրաժեշտության դեպքում կարող է ավելի երկար տեւել:

Էսկալացումը սկսվել էր ուրբաթ օրը, երբ Իսրայելը ավիահարվածներ հասցրեց Գազայի հատվածին՝ այս շաբաթվա սկզբին օկուպացված Արեւմտյան ափում Իսլամական ջիհադի անդամի ձերբակալության հետ կապված լարվածության ֆոնին:

Իսրայելում հայտարարել են, որ իրենք հետախուզական տեղեկատվություն ունեն այն մասին, որ «Իսլամական ջիհադը» պատրաստվում է հարձակվել Իսրայելի վրա, իսկ Գազայի ուղղությամբ հարվածներն ուղղված են «իսրայելցի խաղաղ բնակիչների համար կոնկրետ սպառնալիքի վերացմանը»:

Միեւնույն ժամանակ, պաղեստինյան առաջնորդները դատապարտել են Իսրայելի հարվածները եւ մեղադրել Իսրայելին վերջին էսկալացման համար: «Միջազգային հանրությունը պետք է ճնշում գործադրի Իսրայելի վրա՝ իր ագրեսիան դադարեցնելու համար»,- հայտարարել են Պաղեստինի նախագահի գրասենյակից։

«Իսլամական ջիհադը» խոստացել է վրեժ լուծել՝ ասելով, որ խմբավորման մոտ «կարմիր գծեր գոյություն չունեն»:

 

 

 

!
Այս նյութը հասանելի է նաև   Русский
Տպել
Ամենաշատ