«Նովայա գազետա»-ի խմբագիրները խստորեն դատապարտել են Մոսկվայի Բասմանի դատարանի որոշումը՝ չեղյալ համարել այս հրատարակության տպագիր տարբերակի լիցենզիան։

«Աշխատակիցներից 30 տարվա կյանք են գողացել։ Նրանք ընթերցողներին զրկել են տեղեկատվություն ստանալու իրավունքից»,-ասվում է խմբագրության հաղորդագրության մեջ։

Ավելի վաղ Բասմանի դատարանը չեղյալ է հայտարարել թերթի տպագիր տարբերակի լիցենզիան՝ բավարարելով Ռոսկոմնադզորի պահանջը։ Գերատեսչության տվյալներով՝ թերթը խմբագրական կանոնադրությունը չի ներկայացրել 2006 թվականին՝ հիմնադրի փոփոխությունից հետո։