Իտալիայի Ապուլիայի մարզի ծննդատան բուժքույրերի սխալի պատճառով, որոնք շփոթել էին նորածիններին, իշխանությունները պետք է միլիոն եվրո դատական տուգանք վճարեն, տեղեկացնում է la Repubblica-ն։

Դատարան է դիմել Կանոզա քաղաքի 33-ամյա բնակչուհին, 2012թ. նա պատահաբար սոցցանցերում տեսել է իրեն նման անծանոթ կանանց։ Նա կապ է հաստատել նրանց հետ եւ ԴՆԹ թեստ պահանջել։

Պարզվել է, որ հիվանդանոցի աշխատակիցները սխալ են թույլ տվել եւ 1989թ. նորածին աղջիկներին տվել են ոչ այն ծնողներին։ Պարբերականը նշել է, որ հայցը ներկայացնողը նշել է, որ հոգեբանական տրավմա է ստացել՝ ուրիշ ընտանիքում մեծանալով, մայրը թողել է աղջկան եւ հորը, որը վատ էր վարվում նրա հետ։ Անտոնելան երկար ժամանակ անցկացրել է մանկատանը, իսկ հետո՝ որդեգրող ընտանիքում։

Դատավարությունը տեւել է մի քանի տարի, փոքրիկներին փոխելու համար մեղադրող կողմը փորձում էր վիճարկել դատավճիռը՝ վկայակոչելով վաղեմության ժամկետի ավարտվելը։ Դատարանի վճռով իտալուհին կստանա մոտ կես միլիոն եվրո, նրան 215 հազարական կվճարեն կենսաբանական ծնողները, 81 հազար եվրո էլ վճարելու է հարազատ եղբայրը՝ ազգակցական կապերի կորստի համար։