Արեւմուտքը Վլադիմիր Զելենսկու նկատմամբ իր քաղաքականությունը կառուցում է «նա, իհարկե, շան տղա է, բայց նա մեր շան տղան է» սկզբունքով, հայտնում է «ՌԻԱ Նովոստին»։
Լավրովը հիշեցրել է, որ հուլիսի վերջից Ուկրաինայի զինված ուժերը հեռակա կարգով ականապատում են Դոնեցկի կենտրոնը եւ նրա արվարձանները «Լեպեստոկ» արգելված հակահետեւակային ականներով, թեեւ դրանց օգտագործումը խախտում է 1997 թվականի կոնվենցիան, որը վավերացրել է Ուկրաինան, ինչպես նաեւ Ժնեւի կոնվենցիայի երկրորդ արձանագրությունը՝ առանց ինքնալուծարող արկերի արգելքի մասին։
«Նման սանձարձակությունները հնարավոր դարձան եւ մնում են անպատիժ, քանի որ ԱՄՆ-ը եւ նրա դաշնակիցները, միջազգային իրավապաշտպան կառույցների թողտվությամբ, ութ տարի համակարգված կերպով կոծկում են Կիեւի ռեժիմի հանցագործությունները՝ Զելենսկու նկատմամբ իրենց քաղաքականությունը կառուցելով ամերիկյան հայտնի սկզբունքով. «նա, իհարկե, շան տղա է, բայց նա մեր շան տղան է»»,- ասել է ՌԴ արտգործնախարարը։
Լավրովի մեջբերած արտահայտությունը վերագրվում է ԱՄՆ նախագահ Ֆրանկլին Ռուզվելտին, որը դա ասել է նիկարագուացի զինվորական եւ պետական գործիչ Անաստասիո Սոմոսա Գարսիայի մասին, որին ԱՄՆ-ը քաղաքական աջակցություն է ցուցաբերել իր հակակոմունիստական հայացքների համար։