News
Լրահոս
News
Երեքշաբթի
Մարտ 19
Տեսնել լրահոսը

Եվրամիությունը պետք է լրջորեն վերաբերվի Ռուսաստանի կողմից միջուկային զենքի կիրառման հնարավորությանը։ Այս մասին շաբաթ օրը բրիտանական հեռարձակող BBC ընկերությանը տված հարցազրույցում հայտարարել է ԵՄ դիվանագիտության ղեկավար Ժոզեպ Բորելը ։

«Երբ մարդիկ ասում են, որ իրենք բլեֆ չեն անում, նրանց պետք է լուրջ վերաբերվել,- ասել է նա՝ մեկնաբանելով չորեքշաբթի ՌԴ նախագահ Վլադիմիր Պուտինի հայտարարությունը,- Հիմա, անկասկած, վտանգավոր պահ է»։

Միաժամանակ Բորելը կարծիք է հայտնել, որ եվրոպական երկրները պետք է շարունակեն աջակցել Ուկրաինային, այդ թվում՝ զենքով, եւ չդադարեցնեն հակառուսական պատժամիջոցների քաղաքականությունը։

«Բոլորը, ովքեր գնացել են Մոսկվա, այցելել Կրեմլ, որպեսզի զրուցեն Պուտինի հետ, նրանից ստացել են նույն պատասխանը. «Ես ռազմական նպատակներ ունեմ, եւ քանի դեռ դրանց չեմ հասել, կշարունակեմ մարտական գործողությունները»: Սա, իհարկե, տագնապալի ընթացք է, սակայն մենք պետք է շարունակենք աջակցել Ուկրաինային»,- ասել է եվրոպական դիվանագիտության ղեկավարը։

Նրա խոսքով՝ հակամարտությունը պետք է կարգավորվի «դիվանագիտական միջոցներով», ընդ որում՝ այնպես, որ «պահպանվի Ուկրաինայի ինքնիշխանությունն ու տարածքային ամբողջականությունը»։ «Հակառակ դեպքում, ավարտելով պատերազմը, մենք խաղաղության չենք հասնի եւ կստանանք եւս մեկ պատերազմ [ապագայում]»,- կարծում է Բորելը։

Նա նաեւ խոստովանել է, որ էներգակիրների գների աճը, որը հակամարտության հետեւանք է, մեծ մտահոգություն է առաջացնում Եվրոպայում։

«Իմ երկրում մարդիկ ինձ ասում են, որ գազի գների աճի պատճառով այլեւս չեն կարող աշխատել, շարունակել բիզնեսով զբաղվել»,- ասել է Բորելը` հավելելով, որ էներգետիկ ճգնաժամի պատճառով տագնապի մեջ են ոչ միայն եվրոպական առաջնորդները, այլեւ Աֆրիկայի, Հարավարեւելյան Ասիայի եւ Հարավային Ամերիկայի պետությունների ղեկավարները։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եթե Պուտինը հաղթի Ուկրաինայում, դա վտանգավոր կլինի Ադրբեջանի համար. ՆԱՏՕ-ի գլխավոր քարտուղար
Անշուշտ, Ադրբեջանը ՆԱՏՕ-ի համար կարևոր է նաև էներգետիկ անվտանգության պատճառով...
Հարավային Կորեան հայտնել է, որ Հյուսիսային Կորեան 7000 կոնտեյներ զինամթերք է մատակարարել Ռուսաստանին
Հայտարարությունը հնչել է մի քանի ժամ անց այն բանից հետո...
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Պուտին. Ռուսաստանը կարող է «սանիտարական գոտի» ստեղծել Ուկրաինայում
Պուտինը չի հստակեցրել, թե որքան կարող է լինել «սանիտարական գոտու» խորությունը...
Չեխիան զինամթերք է գնում Ուկրաինայի համար, այդ թվում՝ Ռուսաստանի դաշնակիցներից. WSJ
Խոսքը 300 հազար խորհրդային արտադրության արկերի մասին է, մոտ 500 հազար՝ արեւմտյան արտադրության...
Եվրահանձնակատարը հայտնել է, որ հակամարտությունն Ուկրաինայում փոխել է ԵՄ տնտեսական պատկերը
Հակամարտությունն Ուկրաինայում փոխել է պատկերը...
Ամենաշատ