News
Լրահոս
News
Հինգշաբթի
Դեկտեմբեր 08
USD
395.53
EUR
393.43
RUB
6.42
Տեսնել լրահոսը

Եվրոպական հանձնաժողովը ԵՄ երկրներին նախազգուշացրել է, որ գազի գների լայն սահմանաչափ մտցնելը կարող է եներգետիկ անվտանգության ռիսկեր ստեղծել։

Հանձնաժողովը երկրներին ներկայացրել է փաստաթուղթ, որում վերլուծվում են տարբերակներ, որոնք ԵՄ-ը կարող էր դիտարկել գազի բարձր գների զսպման համար՝ այն բանից հետո, երբ այս շաբաթ միության 27 երկրներից 15-ը ԵՄ-ին կոչ էր արել գազի գների սահմանափակում մտցնել։

Փաստաթղթում, որին ծանոթացել է Reuters գործակալությունը, նշվել է, որ փոխանակման գործողություններում մեծածախ գների սահմանափակումը, որը վերաբերում է ինչպես հեղուկացված բնական գազին, այնպես էլ խողովակաշարերով մատակարարումներին, կարող է խախտել վառելիքի հոսքերը ԵՄ երկրների միջեւ։

Դա կապված է այն բանի հետ, որ գնային ազդանշանները չեն օգնում հոսքերը բարձր պահանջարկ ունեցող տարածաշրջաններ ուղղելուն, ասել է հանձնաժողովը։ Վերջինն առաջարկել է, որ գների այսպիսի սահմանափակումը կարող է աշխատել միայն այն դեպքում, եթե գործի դրվի նոր կազմակերպություն երկրների միջեւ վառելիքի դեֆիցիտային պաշարների բաշխման եւ առաքման համար։

ԵՄ-ի համար նաեւ «զգալի ֆինանսական ռեսուրսներ» կպահանջվեն, որպեսզի երկրները կարողանան շարունակել գազի մատակարարումներ ներգրավել մրցակցային համաշխարհային շուկաներից, որտեղ  մյուս գնորդները պատրաստ կլինեն  վճարել ըստ գների, որոնք կգերազանցեն ԵՄ-ի սահմանաչափը, ասել է հանձնաժողովը։

Նշվել է, որ մեծածախ գների լայն սահմանաչափն օտարերկրյա մատակարարներից «մատակարարումների խափանման» ավելի մեծ ռիսկ կպարունակի, քան սահմանաչափը միայն խողովակաշարով մատակարարման համար։

Հանձնաժողովն ուսումնասիրել է էներգետիկ ճգնաժամի այլ տարբերակները, այդ թվում գազի գների ավելի մեծ սահմանաչափը։

Փաստաթղթում նշվել է, որ ԵՄ-ը կարող է սահմանափակել ռուսական գազի ներմուծման կամ այն գազի գները, որն օգտագործվում է էլեկտրաէներգիայի արտադրության համար, որպեսզի նվազեցնի էլեկտրաէներգիայի բարձր գները։

Հանձնաժողովը խորհուրդ է տվել ԵՄ-ին բանակցություններ վարել «հուսալի» մատակարարների հետ գների իջեցման մասին եւ հայտարարել է, որ գազի համատեղ գնումը նույնպես կարող է օգնել երկրներին արդար բաժանել լրացուցիչ մատակարարումները։

ԵՄ երկրները տարակարծիք են այն հարցում, թե արդյոք կթուլացնի գազի գների ավելի մեծ սահմանաչափն առաջարկի ճգնաժամը եւ էներգակիրների գների թռիչքը, որը պայմանավորված է Եվրոպա Ռուսաստանից մատակարարումների կրճատմամբ։

Ֆրանսիան, Իտալիան, Լեհաստանը եւ եւս 12 երկիր Բրյուսելին կոչ են արել առաջարկել գազի մեծածախ գների սահմանափակում, որպեսզի օգնեն սանձել աճող գնաճը։ Հակառակորդների մեջ են Գերմանիան, Նիդեռլանդները եւ Դանիան։

Գազի գների հնարավոր սահմանափակման քննարկումը կշարունակվի ուրբաթ օրը, ԵՄ էներգետիկայի նախարարների հանդիպման ժամանակ, նրանք պետք է նաեւ հավանություն տան միջոցների այն փաթեթին, որն առաջարկել է Բրյուսելն անցած շաբաթ, ներառյալ էներգետիկ ընկերությունների չնախատեսված շահութահարկը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ առաջատար անդամ երկրները Բրյուսելին կոչ են անում շտկել Ռուսաստանի դեմ պատժամիջոցները․ Financial Times
Գերմանիան, Ֆրանսիան եւ Նիդեռլանդները այն երկրներից են, որոնք Եվրահանձնաժողովին կոչ են անում Ռուսաստանից սննդամթերքի արտահանման նկատմամբ պատժամիջոցները հստակեցնելու շտկում կատարել․․․
ԵՄ-ն Առեւտրի համաշխարհային կազմակերպությանը հայց է ներկայացրել ընդդեմ Չինաստանի
Լիտվայի գործողությունները կատաղեցրել են Պեկինին, որը հետ է կանչել Վիլնյուսում իր դեսպանին եւ Պեկինից վտարել Լիտվայի դեսպանին․․․
Իտալիայի էկոնոմիկայի նախարարը սուբսիդիաների մասին ամերիկյան օրենքի հանդեպ ԵՄ միասնական մոտեցման կոչ է արել
ԵՄ-ն մտավախություն ունի, որ IRA-ի 430 միլիարդ դոլար արժողությամբ սխեման՝ էներգետիկ ոլորտի բաղադրիչների ներքին արտադրության համար իր առատաձեռն հարկային արտոնություններով, կարող է բիզնեսին դուրս մղել ԵՄ-ից․․․
ԵՄ-ը առաջին անգամ Frontex սահմանապահներ կտեղակայի բալկանյան երկրներում. FT
ԵՄ-ը բալկանյան երկրներում սահմանապահներ կտեղակայի...
ԵՄ նոր պատժամիջոցները կարող են առնչվել ԱԹՍ-ների ռուսական հատվածին․ Bloomberg
Նրա աղբյուրների համաձայն՝ նոր սահմանափակումների առաջարկը պաշտոնապեսայս շաբաթ կարող է  ներկայացվել եւ քննարկվել․․․
ԵՄ երկրները եւ ԵՀ-ն քննարկել են ՌԴ դեմ պատժամիջոցների իններորդ փաթեթի պատրաստումը
Քննարկվում են տեխնոլոգիաների, ֆինանսների եւ մեդիա ոլորտի վերաբերյալ պատժամիջոցներ․․․
Ամենաշատ