News
Լրահոս
News
Երեքշաբթի
Դեկտեմբեր 06
USD
395.53
EUR
393.43
RUB
6.42
Տեսնել լրահոսը

Գերմանիայի անվտանգության մարմինները համոզված են, որ Բալթիկ ծովում «Հյուսիսային հոսք» գազատարները վնասելու համար բարձր արդյունավետությամբ պայթուցիկ սարքեր են անհրաժեշտ։

Ըստ Spiegel-ի՝ հաշվարկվել է, որ խողովակները ոչնչացնելու համար 500 կիլոգրամ տրոտիլի ազդեցության հետ համեմատելի պայթուցիկ սարքեր պետք է օգտագործվեին։

Գնահատումը ներառել է նաեւ տարբեր չափիչ կայանների կողմից գրանցված սեյսմիկ ազդանշաններ:

Ավելի վաղ հաղորդվել էր, որ «Հյուսիսային հոսք 2» գազատարի ճյուղերից մեկում (գիծ A) ճնշման նվազում է նկատվել։ Միջադեպը տեղի է ունեցել Բորնհոլմից հարավ-արեւելք՝ Դանիայի ԲՏԳ-ում։

Դրանից հետո ԶԼՄ-ները հայտնել են «Հյուսիսային հոսք 1» գազատարի երկու ճյուղերում ճնշման անկման մասին։

Այսօր Շվեդիայի առափնյա պահպանությունը հայտարարել է, որ վնասված «Հյուսիսային հոսք»-ի գազատարներից չորրորդ արտահոսքն է հայտնաբերել։

Եվրամիությունը կասկածում է, որ Ռուսաստանի ստորջրյա խողովակաշարերից դեպի Եվրոպա արտահոսքի պատճառը սաբոտաժն է, եւ խոստացել է «կոշտ» պատասխան տալ իր էներգետիկ ենթակառուցվածքի ցանկացած միտումնավոր խափանմանը:

Իր հերթին Կրեմլը հայտարարել է, որ «Հյուսիսային հոսքի» հետ կապված միջադեպը կարող է ահաբեկչություն լինել։

 

!
Այս նյութը հասանելի է նաև   Русский
Տպել
Ամենաշատ