News
Լրահոս
News
Երեքշաբթի
Դեկտեմբեր 06
USD
395.53
EUR
393.43
RUB
6.42
Տեսնել լրահոսը

Հոկտեմբերի 5-7-ը Երեւանում տեղի կունենա EXPO-RUSSIA ARMENIA-2022 9-րդ միջազգային արդյունաբերական ցուցահանդեսը եւ Երեւանի 7-րդ բիզնես ֆորումը: Այս մասին հոկտեմբերի 3-ին լրագրողների հետ զրույցում ասաց «Զառուբեժ-Էքսպո» ընկերության նախագծերի ղեկավար Սվետլանա Զաբելինան։

Նրա խոսքով՝ սա Ռուսաստանի, Անդրկովկասի եւ Իրանի միջեւ տնտեսական կապերի զարգացմանն ու ամրապնդմանը միտված կարեւորագույն իրադարձություններից մեկն է, որին աջակցում են արտաքին գործերի նախարարությունը, արդյունաբերության եւ առեւտրի նախարարությունը, տնտեսական զարգացման նախարարությունը,  Էներգետիկայի նախարարությունը, կրթության եւ գիտության նախարարությունը, Ռուսաստանի գյուղատնտեսության նախարարությունը, Հայաստանի կառավարության, խորհրդարանական եւ գործարար շրջանակները, ինչպես նաեւ Ռուսաստանի եւ Մոսկվայի առեւտրաարդյունաբերական պալատները։

Նա նշեց, որ ցուցահանդեսը կներառի ինչպես ընկերությունների, այնպես էլ Ռուսաստանի եւ Հայաստանի մարզերի կոլեկտիվ տաղավարներ։ «Թեմատիկ բաժիններն են՝ էներգետիկա, նավթ եւ գազ եւ հանքարդյունաբերություն, ճարտարագիտություն, մետալուրգիա, շինարարություն, տրանսպորտ, ագրոարդյունաբերական համալիր, բանկային գործ եւ ապահովագրություն, բժշկություն եւ դեղագործություն, գիտություն եւ կրթություն, ծառայություններ, զբոսաշրջություն, սպառողական ապրանքներ։ Ցուցահանդեսն անցկացվում է Ռուսաստանի եւ Հայաստանի միջեւ տնտեսական, գիտական, տեխնիկական, մշակութային եւ քաղաքական համագործակցության զարգացման, համատեղ գործարար, առեւտրային, տնտեսական եւ ներդրումային հարաբերությունների զարգացման նպատակով»,-հավելեց Զաբելինան։

Իր հերթին, Հայաստանում Ռուսաստանի առեւտրային ներկայացուցիչ Աննա Դոնչենկոն պարզաբանեց, որ ցուցահանդեսը կհյուրընկալի ավելի քան 30 ընկերությունների։ «Նման ցուցահանդեսները հարթակ են նոր գործընկերներ գտնելու համար»,-ընդգծեց նա։

Իսկ «Զառուբեժ-Էքսպո»-ի միջազգային համագործակցության զարգացման գծով տնօրեն Անատոլի Նիկոլաեւն ասաց, որ բիզնես ֆորումի շրջանակում նախատեսվում են կլոր սեղաններ էներգետիկայի, բժշկության եւ դեղագործության, գյուղատնտեսության եւ սննդի արդյունաբերության, տրանսպորտի, գիտության եւ կրթության վերաբերյալ, կազմակերպվել են գործարար հանդիպումներ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դումանյանն ու Շվիդկոյը քննարկել են կրթության, մշակույթի ոլորտներում հայ-ռուսական հարաբերությունների նոր հեռանկարները
«Ինչպես բազմիցս նշել եմ, Հայաստանի և Ռուսաստանի երկկողմ միջպետական հարաբերություններում առանձնահատուկ տեղ է գրավում մշակույթի ոլորտում համագործակցությունը…
Արմեն Ռուստամյանը հանդիպել է Սերգեյ Միրոնովի հետ. քննարկել են ՀՀ-ի եւ Արցախի անվտանգային հարցերի մտահոգիչ բաղադրիչները
Օրերս Մոսկվա կատարած աշխատանքային այցի շրջանակներում ՀՅԴ Բյուրոյի...
Մհեր Գրիգորյանն ընդունել է ՌԴ պատվիրակությանը
Զրուցակիցները քննարկվել են երկու երկրների միջև կրթության և մշակույթի ոլորտներում համագործակցությանն առնչվող հարցեր...
«Ռուսերենի զարգացման հարցում պատրաստ ենք քննարկել նոր նախաձեռնություններ». Դումանյանը՝ ՌԴ պատվիրակությանը
Հանդիպման ընթացքում քննարկվել են նաև երկկողմ հետաքրքրություն ներկայացնող այլ հարցեր...
 «Հրապարակ». Ալեն Սիմոնյանը գլխավորությամբ պատվիրակություն կմեկնի Մոսկվա
«Հայաստան» խմբակցությունից Գեղամ Մանուկյանը հրաժարվել է մեկել՝ այլ գործուղման պատճառով...
«Ժողովուրդ». Վլադիմիր Պուտինը Հայաստանում հանդիպել է Արցախի նախագահ Արայիկ Հարությունյանին
Ամենաշատ