Ազգային ժողովում ԿԸՀ նախագահի եւ անդամների ընտրության հարցով գաղտնի քվեարկություն է ընթանում։
«Քաղաքացիական պայմանագիր» խմբակցությունը ԿԸՀ նախագահի պաշտոնում առաջարկել է պատգամավոր Վահագն Հովակիմյանի թեկնածությունը։
Ներկայացվել եւ քննարկվել են նաեւ ԿԸՀ անդամների թափուր պաշտոնների համար դիմող թեկնածուները։ Ընդհանուր առմամբ, չհաշված Հովակիմյանին, խոսքը 12 թեկնածուի մասին է։ Սակայն այսօր դիտարկվել է ընդամենը 6 թեկնածու։
Գաղտնի քվեարկության գործընթացը սկսվել է ժամը 17:00-ին եւ կտեւի մինչեւ 18:00-ն։ Ընտրվելու համար թեկնածուներին անհրաժեշտ կլինի պատգամավորների ընդհանուր թվի ձայների 3/5-ը։ Այսինքն՝ հասանելի 107-ից 64 ձայն։