![](img/news/72/44/00/default.jpg)
Որոշ եվրոպական երկրներում, որոնք զենք են ուղարկել Կիեւ, սպառվում են պաշարները, եւ կարող են տարիներ պահանջվել, որպեսզի պաշտպանական կապալառուները լրացնեն պակասուրդը, գրում է Bloomberg-ը:
Աղբյուրների համաձայն՝ ՆԱՏՕ-ի երկրները պաշտպանական ընկերություններին կոչ են անում մեծացնել արտադրությունը` օգնելու իրենց՝ համալրել պաշարները։
Կիեւի դաշնակիցներն արդեն միլիարդավոր դոլարների զենք, զինամթերք եւ տեխնիկա են ուղարկել։
ԱՄՆ-ի եւ Եվրոպայի պաշտպանական ընկերություններն այժմ տեսնում են հակաօդային պաշտպանության համակարգերի եւ հակատանկային զենքերի պահանջարկի աճ, ի թիվս այլ սարքավորումների, եւ կառավարություններն ավելի ու ավելի են գիտակցում, որ Ուկրաինան, հավանաբար, ռազմական աջակցության կարիք կունենա առաջիկա տարիներին:
Բայց արտադրության արագ ընդլայնումը տասնամյակների սահմանափակ պատվերներից հետո հեշտ չի լինի: Քանի որ պատերազմը ձգձգվում է, Ուկրաինայի գործընկերները կարող են գայթակղվել կրճատել աջակցությունը, քանի որ նրանք անհանգստացած են իրենց անվտանգության կարիքների համար, ինչը կարող է հանգեցնել տարաձայնությունների։
Միեւնույն ժամանակ, Հյուսիսատլանտյան դաշինքի անդամներին ավելի շատ զենք է հարկավոր, որպեսզի ուժեղացնեն դաշինքի ներկայությունը նրա արեւելյան թեւում։ Պաշտպանության նախարարները կհանդիպեն այս շաբաթ Բրյուսելում՝ քննարկելու այս հարցերը։