Երեւանի Վալերի Բրյուսովի անվան լեզվագիտական պետական համալսարանի ուսանողները բողոքի ցույց են անցկացնում ԿԳՄՍ նախարարության դիմաց: Նրանք բողոքում են կառավարության նախաձեռնության դեմ, ըստ որի համալսարանը Ֆիզկուլտ ինստիտուտի հետ միասին միանալու են Մանկավարժական պետական համալսարանին:
Ուսանողները վանկարկում են «Չենք ձուլվելու», «Բրյուսով»:
Ոստիկանները շղթա են կազմել եւ փակել մուտքը դեպի նախարարության շենք:
Հիշեցնենք, որ Բրյուսովի անվն պետական համալսարանի ռեկտորը եւս հայտարարել էր, որ իրենցից գաղտնի է պահվել այդ որոշումը, իրենք ունեն փաստարկներ, դեմ են համալսարանի փակմանը: Իսկ ԿԳՄՍ նախարար Վահրամ Դումանյանն էլ հայտարարել էր, որ այդ բուհերի ղեկավարները տեղյակ են եղել նախագծի մասին:
