Իրանի Շիրազ քաղաքում սրբավայրի վրա ահաբեկչական հարձակման հետեւանքով առնվազն 40 մարդ է տուժել, հայտնում է Mehr-ը։
Իրանի իշխանությունների տվյալներով՝ երեք անհայտ գրոհայիններ հարձակվել են Շիրազում գտնվող Շահ-է-Չերախի (Լույսի Տիրակալի սրբավայր) դամբարանի վրա՝ սպանելով առնվազն 13 եւ վիրավորելով 40 մարդու։
Նրանցից երկուսը բերման են ենթարկվել, իսկ երրորդը դեռ ազատության մեջ է։ Անվտանգության ծառայությունների աղբյուրները հայտնել են, որ գրոհայինները թաքֆիրական-վահաբիական ահաբեկիչներ են, որոնք երկրում վերջին անկարգություններն օգտագործել են հարձակում իրականացնելու համար:
Ֆարսի փոխնահանգապետ Իսմայիլ Մոհեբիփուրը հայտնել է, որ զինված ահաբեկիչները կրակ են բացել երեկոյան աղոթքի ժամանակ, հաղորդում է Tasnim-ը:
Շահ-է-Չերախը տապանաքար եւ մզկիթ է Շիրազ քաղաքում, որտեղ գտնվում են Սայեդ Միր Ահմադի եւ նրա եղբոր՝ Սայիդ Միր Մոհամմադի, յոթերորդ իմամի որդիների եւ ութերորդ շիա իմամ Ռեզայի եղբայրների գերեզմանը։