Շիրազի ահաբեկչությունն անպատասխան չի մնա, հայտարարել է Իրանի նախագահ Էբրահիմ Ռայիսին։
Ցավակցություն հայտնելով զոհվածների ընտանիքներին՝ Ռայիսին նշել է, որ ահաբեկիչները հերթական անգամ կատարել են հրեշավոր հանցագործություն, եւ Իսլամական հեղափոխության թշնամիների կատարած հանցագործությունների ցանկին եւս մեկն է ավելացել։
«Փորձը ցույց է տալիս, որ իսլամական Իրանի թշնամիները վրեժ են լուծում երկրի ժողովրդից եւ դիմում են ցանկացած միջոցի՝ երկրի առաջընթացին խոչընդոտելու համար՝ օգտագործելով բռնությունն ու ահաբեկչությունը»,- հավելել է Ռայիսին։ Նա ընդգծել է, որ այս վայրագությունն անպատասխան չի մնա, եւ ուժայիններն ու իրավապահ մարմինները կոշտ պատասխան կտան ահաբեկչության կազմակերպիչներին։
Չորեքշաբթի երեկոյան ահաբեկչություն է տեղի ունեցել հարավարեւմտյան Շիրազ քաղաքի Ահմաս բին Մուսա սրբավայրում, որի հետեւանքով զոհվել է 15, վիրավորվել՝ ավելի քան 20 մարդ։
