Արցախբանկն ամփոփել է «Արևային նվերներ Mastercard-ով» ակցիայի արդյունքները: Հիշեցնենք, որ ակցիայի շրջանակներում 2022թ.-ի հուլիսի 15-ից սեպտեմբերի 15-ը ներառյալ Բանկի Mastercard կամ Maestro քարտերով ամենաշատ անկանխիկ գործարքներ կատարած և ամենաբարձր միավորներ կուտակած քարտապանները հաղթող են ճանաչվել և շահել հետևյալ նվերները.
- 1-ին տեղ՝ Apple iPhone 13 Pro MAX 128GB
- 2-րդ տեղ՝ Sony PlayStation 5
- 3-րդ տեղ՝ Apple iPhone 13 128GB
- 4-րդ տեղ՝ Apple Airpods 3
- 5-րդ տեղ՝ Apple Airpods 3
- 6-10-րդ տեղեր՝ ՀՀ-ում ընտանեկան երկօրյա հանգստի սերտիֆիկատ 4 անձի համար:
Մրցանակաբաշխության հանդիսավոր արարողության բացմանը Բանկի ղեկավարությունը ողջույնի խոսքում բարձր գնահատականի է արժանացրել ակցիայի մասնակիցների և բոլոր հավատարիմ հաճախորդների՝ տարիներ շարունակ Բանկի նկատմամբ վստահություն ցուցաբերելու և ընկերության թիմի կողքին լինելու հանգամանքը: Նաև ընդգծվել է հաճախորդների ակտիվ ներգրավվածությունը անկանխիկ գործառնությունների խթանման միջոցառումներում, որոնք ի վերջո նպաստում են Բանկ-հաճախորդ փոխշահավետ համագործակցությանը: Բանկը վստահեցրել է, որ առաջիկայում ընկերության թե հավատարիմ և թե նոր հաճախորդներին սպասվում են նոր հաճելի անակնկալներ ակցիաների և հատուկ առաջարկների տեսքով, նաև ժամանակակից թվային լուծումներով նախագծեր:
Արցախբանկը հետևողական է իր հեռանկարային զարգացման ծրագրին, այդ թվում քարտային պրոդուկտների գործիքակազմի ընդլայնմանը և արդիական թվային լուծումների ներդնմանը:
Ակցիայի ամփոփումը տեղի է ունեցել Բանկի վերջերս վերաբացված Երևանի կենտրոնական մասնաճյուղում, որը շուրջ 21 տարի շարունակ բանկային ծառայություններ է մատուցում շուկայում: Վերանորոգումից հետո քաղաքացիները սպասարկվում են նորաոճ հարմարավետ սրահներում, որտեղ առկա է հերթերի կառավարման համակարգ և գերարագ Wi-Fi ինտերնետ:
Մայրաքաղաքի Կիևյան 3 հասցեում գտնվող Երևանի կենտրոնական մասնաճյուղը, ինչպես և Բանկի մյուս մասնաճյուղերը, պատրաստ են սպասարկելու հաճախորդներին երկուշաբթիից-ուրբաթ՝ 09:30 - 17:00: Հաճախորդներին հասանելի է Բանկի կողմից մատուցվող ծառայությունների ամբողջական փաթեթը, մասնավորապես բանկային հաշիվների բացում և վարում, ավանդների ներգրավում, փոխանցումների իրականացում, վճարային քարտերի թողարկում և սպասարկում, ինչպես նաև նոր՝ ավելի գրավիչ, մրցունակ և հարմարավետ պայմաններով անհատական և բիզնես վարկերի տրամադրում: