ԵՄ արագ արձագանքման ուժերը պետք է պատրաստ լինեն տեղակայման 2023 թվականին։ ԵՄ երկրների պաշտպանության նախարարների նիստից առաջ այս մասին հայտարարել է ԵՄ անվտանգության հարցերով բարձր ներկայացուցիչ Ժոզեպ Բորելը։
«Արագ տեղակայման ուժերը պատրաստ կլինեն հաջորդ տարի: Սա այն է, ինչ ասվում է «Ռազմավարական կողմնացույցում», եւ սա այն է, ինչ պետք է տեղի ունենա»,- ասաց նա:
ԵՄ արագ արձագանքման ուժերի ստեղծումը ամրագրված է պաշտպանության ոլորտի «Ռազմավարական կողմնացույց» համաեվրոպական ռազմավարության մեջ, որն ընդունվել է այս տարվա մարտին։ Արագ արձագանքման եվրոպական ուժերը պետք է կազմված լինեն 5000 հոգուց բաղկացած կորպուսից։