Թուրքիայի նախագահ Թայիփ Էրդողանը հայտարարել է, որ Իրաքի հյուսիսում եւ Սիրիայում Թուրքիայի զինված ուժերի օդային գործողությունը հաջող է անցել։
«Օդային գործողությանը մասնակցել են մոտ 70 մարտական եւ օժանդակ ինքնաթիռներ ու անօդաչու թռչող սարքեր։ Գործողության ընթացքում հաջողությամբ ոչնչացվել է 89 թիրախ՝ բաղկացած ապաստարաններից, բունկերներից, քարանձավներից, թունելներից, զինամթերքի պահեստներից, ահաբեկիչների այսպես կոչված շտաբներից եւ ուսումնական ճամբարներից, որոնք սպառնում են մեր երկրին, ազգին եւ Սիրիայի ու Իրաքի հյուսիսում սահմանների անվտանգությանը։ Գործողության ընթացքում առավոտյան 04։00-ին ես հանդիպել եմ Հուլուսի փաշայի հետ (պաշտպանության նախարար Հուլուսի Աքար) ։ Այսպիսով մենք գիշերն ավարտել ենք հաջողված գործողությամբ», - լրագրողներին ասել է Էրդողանը։
Ավելի վաղ Թուրքիայի պաշտպանության նախարարությունը հայտնել էր Սիրիայի հյուսիսում եւ Իրաքում օդային գործողության ընթացքում 89 թիրախի ոչնչացման մասին։